admin 
పట్టణంలో రోడ్డు విస్తరణకు వ్యాపారులు సహకరించాలి
ప్యాపిలి, మార్చి 10,( సీమకిరణం న్యూస్) :
పట్టణంలో రూ 16 కోట్లతో నిర్మించనున్న నాలుగు లైన్ల రోడ్డు పనులకు ఆర్ అండ్ బి అధికారులు బుధవారం మార్కింగ్ వేశారు. మొత్తం 80 అడుగుల వెడల్పుతో ఏర్పాటు చేయనున్న ఈ రోడ్డుకు ఇరువైపులా ఉన్న వ్యాపారులు సహకరించాలని ఆర్ అండ్ బి ఏ ఈ మధు కోరారు. అయితే రోడ్డుకు ఇరువైపులా ఉన్న అక్రమ కట్టడాలు, వ్యాపారులు వేసుకున్న బంకులు తొలగించు కోవడానికి రెండు నెలల పాటు గడువు ఇవ్వాలని జడ్పిటిసి బోరెడ్డి శ్రీ రామిరెడ్డి అధికారులను కోరారు. అందుకు స్పందించిన అధికారులు రెండు నెలల్లో వ్యాపారులు స్వచ్ఛందంగా బంకులు తొలగించుకోవాలి అన్నారు. ఆర్ అండ్ బి స్థలంలో అక్రమంగా నిర్మించుకున్న భవనాలు, దుకాణాలు రెండు నెలల్లో తొలగించుకోవాలి అన్నారు. కార్యక్రమంలో బొర్రా మల్లికార్జున రెడ్డి, బోరెడ్డి రాము తదితరులు పాల్గొన్నారు
