రైతుల అభివృదే ప్రభుత్వ ధేయం

రైతుల అభివృదే ప్రభుత్వ ధేయం

ప్యాపిలి, మార్చి 10,( సీమకిరణం న్యూస్) :

స్థానిక ఎంపిడిఓ కార్యాలయంలో బుధవారం జెడ్ పి టి సి బోరెడ్డి శ్రీ రామిరెడ్డి, ఎంపీపీ గోకుల్ లక్ష్మి, వ్యవసాయ సలహా మండలి చైర్మన్ మెట్టు వెంకటేశ్వర్ రెడ్డి తదితరులు విలేకరుల సమావేశాన్ని ఏర్పాటు చేశారు. ఈ సందర్భంగా వారు మాట్లాడుతూ గత టిడిపి ప్రభుత్వం సూక్ష్మ సేద్యం ప్రాజెక్టుకు సంబంధించిన రూ 1000 కోట్లు చెల్లించకపోవడంతో గత కొద్ది సంవత్సరాలుగా రాష్ట్రంలో సూక్ష్మ సేద్యం పై నీలినీడలు కమ్ముకున్నాయి అన్నారు. అయితే రాష్ట్ర ముఖ్యమంత్రి వైయస్ జగన్మోహన్ రెడ్డి రైతులు పడుతున్న ఇబ్బందులను దృష్టిలో ఉంచుకొని ఇటీవల సూక్ష్మ సేద్యం ప్రాజెక్టుకు రూ 437. 95 కోట్లు విడుదల చేశారన్నారు. గత ప్రభుత్వ హయాంలో చెల్లించాల్సి ఉన్న బకాయిలను చెల్లించడం పట్ల ముఖ్యమంత్రికి, ఆర్థికశాఖ మంత్రి రాజేంద్రనాథ్ రెడ్డి కి, వ్యవసాయ శాఖ మంత్రి మసాలా కన్నబాబు తదితరులకు రైతుల తరపున కృతజ్ఞతలు తెలుపుతున్నట్లు వారు తెలిపారు. కరోనా కారణంగా రాష్ట్ర ఆర్థిక పరిస్థితి లేకపోయినా ప్రభుత్వం రైతుల సంక్షేమం విషయంలో చిత్తశుద్ధితో ఉందన్నారు. రానున్న ఆర్థిక సంవత్సరంలో ప్రభుత్వం సూక్ష్మ సేద్యానికి 1200 కోట్లు కేటాయించడం తో పాటు 3.75 లక్షల ఎకరాల్లో సూక్ష్మ సేద్యం చేపట్టాలని నిర్ణయించడం హర్షణీయమన్నారు. సూక్ష్మ సేద్యం సబ్సిడీ పరికరాల కోసం ఆసక్తి ఉన్న రైతులు ఏప్రిల్ నెలలో ఆర్ బి కే లో దరఖాస్తు చేసుకోవాలన్నారు. సమావేశంలో బొర్రా మల్లికార్జున రెడ్డి, గండికోట రామాంజనేయులు, బోరెడ్డి రాము, మెట్టుపల్లి విష్ణు, బోరెడ్డి ప్రభాకర్ రెడ్డి, రామకృష్ణ తదితరులు పాల్గొన్నారు.