రాష్ట్ర విద్యా వైజ్ఞానిక మహాసభలను జయప్రదం చేయండి

రాష్ట్ర విద్యా వైజ్ఞానిక మహాసభలను జయప్రదం చేయండి : యుటిఎఫ్

గోనెగండ్ల , మార్చి 10 , ( సీమకిరణం న్యూస్ ) :

అనంతపురంలో జరగనున్న యుటిఎఫ్ 16వ రాష్ట్ర విద్యా వైజ్ఞానిక మహాసభలను జయప్రదం చేయాలని యుటిఎఫ్ రాష్ట్ర కౌన్సిలర్ యస్.నరసింహులు పిలుపునిచ్చారు.
బుధవారం స్థానిక మండల కేంద్రంలో జరిగిన యుటిఎఫ్ కార్యకర్తల సమావేశంలో మండల అధ్యక్ష ప్రధాన కార్యదర్శులు రామన్, చంద్రపాల్ మాట్లాడుతూ అనంతపురంలో మార్చి 12,13,14తేదీలలో జరిగే యుటిఎఫ్ రాష్ట్ర మహాసభల్లో యుటిఎఫ్ నాయకులు,కార్యకర్తలు, ఉపాధ్యాయులు అధిక సంఖ్యలో పాల్గోని విజయవంతం చేయాలని కోరారు.మూడు రోజుల పాటు జరిగే మహా సభలకు ఐదుగురు పీడీఎఫ్ ఎమ్మెల్సీలు,ఇద్దరు స్వతంత్ర ఎమ్మెల్సీలతో పాటు విద్యావేత్తలు,యుటిఎఫ్ రాష్ట్ర,జిల్లా నాయకులు ముఖ్య అతిధులుగా హాజరుకానున్నారు.
విద్యారంగ సమస్యలు, ఉపాధ్యాయ సమస్యల పరిష్కారానికి దిశా నిర్దేశం చేసుకోవడానికి,సిపిఎస్ రద్దు, ఉన్నత పాఠశాలలో 3,4,5 తరగతుల విలీనం మొదలగు అంశాలపై చైతన్య సదస్సులలో చర్చిస్తూ భవిష్యత్ కార్యాచరణను ప్రకటించుకోవడం,ప్రభుత్వం అనుసరిస్తున్న ఉద్యోగ ఉపాధ్యాయ వ్యతిరేక విధానాలకు పరిష్కార మార్గాలను తెలుసుకోవడానికి ఈ రాష్ట్ర మహా సభలు చక్కని వేదిక కానుంది కావున ఈ మహా సభలకు మండలం నుంచి భారీ ఎత్తున కదిలి విజయవంతం చేయాలని కోరారు.తదనంతరం రాష్ట్ర మహా సభలకు సంబంధించిన పోస్టర్లను మండల శాఖ ఆధ్వర్యంలో విడుదల చేశారు.ఈ కార్యక్రమంలో యుటిఎఫ్ నాయకులు జిక్రియా,బాబు,రాఘవేంద్ర, నాగేశ్వరరావు,రామ్మోహన్,నాయక్,నిర్మల,పద్మ,నాగలక్ష్మి, అక్బర్,లింగన్న,లక్ష్మన్న,శేఖర్ బాబు,మద్దిలేటి,రామకృష్ణ,రామచంద్ర,విజయ్,వెంకట రమణ, ఖాజాన్న,ఉసేన్ మొదలగువారు పాల్గొన్నారు.