ఆంధ్ర ప్రదేశ్
ఓయ్-సయ్యద్ అహ్మద్
ఏపీలో నాలుగు రాజ్యసభ (రాజ్య సభ) సభ్యుల పదవీకాలం ఈ ఏడాదిలో ముగియనుంది. అయితే ఇందులో ముగ్గురి పదవీకాలం జూన్ లోనూ, మరో సభ్యుడి పదవీకాలం డిసెంబర్ లోనూ ముగియబోతోంది. వీరి స్ధానాల్లో కొత్త వారి ఎంపిక కోసం ఎన్డీయే కసరత్తు చేస్తోంది. వీటి వివరాలను ప్రభుత్వంతో సన్నిహితంగా ఉంటారని పేరున్న సర్వే నిపుణుడు ప్రవీణ్ పుల్లట సోషల్ మీడియాలో పంచుకున్నారు. ఈ వివరాలు ఏంటో ఓసారి చూద్దాం..
ప్రస్తుతం ఏపీ నుంచి రాజ్యసభ సభ్యులుగా ఉన్న పిల్లి సుభాష్ చంద్రబోస్, పరిమళ్ నత్వానీ, ఎస్ నిరంజన్ రెడ్డి పదవీకాలం ఈ ఏడాది జూన్ లో ముగియబోతోంది. వీరంతా వైసీపీ సభ్యులే. మరో సభ్యుడు సానా సతీష్ బాబు (టీడీపీ) పదవీకాలం ఈ ఏడాది డిసెంబర్ లో ముగియనుంది. దీనితో ఈ నాలుగు సీట్లకూ అభ్యర్ధులు దాదాపు ఖరారు చేసినట్లు ఉన్నాయి. ఇందులో మంత్రి నారా లోకేష్కు సన్నిహితుడిగా పేరున్న సానా సతీష్ బాబుకు ఈసారి పొడిగింపు ఇవ్వబోతున్నట్లు సమాచారం. ఆయనకు గతంలో పూర్తి సమయం ఎంపీగా ఛాన్స్ ఈసారి పొడిగింపు ఇస్తారని సమాచారం.
ఏపీ నుంచి రాజ్యసభ సభ్యులుగా (4) వీరికి అవకాశం ఉండొచ్చు!
టీడీపీ – సానా సతీష్ బాబు కొనసాగింపు
టీడీపీ – భాష్యం రామకృష్ణ / ?
జనసేన – LEP రమేష్ బాబు
బీజేపీ – అన్నామలైబీజేపీ ఒత్తిడి చేస్తే చివరి నిమిషంలో మార్పులకు అవకాశం!
— ప్రవీణ్ పుల్లాట (@praveenpullata) ఫిబ్రవరి 9, 2026
అలాగే మిగిలిన మూడు సీట్లను టీడీపీ, జనసేన, బీజేపీ పంచుకోబోతున్నట్లు సర్వేయర్ ప్రవీణ్ పుల్లట తెలిపారు. ఇందులో టీడీపీ నుంచి భాష్యం రామకృష్ణ, జనసేన కోటాలో లింగమే రమేశ్ బాబు, బీజేపీ నుంచి తమిళనాడు మాజీ రాష్ట్ర అధ్యక్షుడు అన్నామలైకు అవకాశం కల్పించారు. చివరి నిమిషంలో బీజేపీ ఏదైనా ఒత్తిడి చేస్తే తప్ప ఈ పేర్లు దాదాపు ఖరారైనట్లేనని ప్రవీణ్ పుల్లట నిన్న ట్వీట్ చేశారు. దీనితో ఈ పేర్లు దాదాపు ఖరారైనట్లే అనుకోవచ్చు.
