admin 
ఇళ్ల నిర్మాణాల పనులు ముమ్మరం చేయండి
కర్నూలు జిల్లా కలెక్టర్ పి.కోటేశ్వర రావు
కర్నూలు కలెక్టరేట్, మార్చి 02, (సీమకిరణం న్యూస్) :
నవరత్నాలు పేదలందరికీ ఇళ్లు పథకంలో భాగంగా జగనన్న కాలనీలలో ఇళ్ల నిర్మాణాల పనులు ముమ్మరం చేయాలని అధికారులను కర్నూలు జిల్లా కలెక్టర్ పి.కోటేశ్వర రావు ఆదేశించారు. బుధవారం నందికొట్కూరు మున్సిపాలిటీ పరిధిలోగల నవరత్నాలు – పేదలందరికీ ఇళ్లు పథకంలో భాగంగా రెండు జగనన్న కాలనీ లేవుట్ లను మరియు అక్కడ తయారు చేస్తున్న సిమెంట్ బ్రిక్స్ యూనిట్ ను జిల్లా కలెక్టర్ క్షేత్రస్థాయిలో పరిశీలించారు. నందికొట్కూరు మున్సిపాలిటీ పరిధిలోగల నవరత్నాలు – పేదలందరికీ ఇళ్లు పథకంలో భాగంగా జగనన్న కాలనీ లేవుట్ లో బ్రిక్స్ తయారు చేస్తున్న యూనిట్ పరిశీలించి జిల్లా కలెక్టర్ సంతృప్తి వ్యక్తం చేశారు. లేవుట్ లో త్రాగునీటి సదుపాయను జిల్లా కలెక్టర్ క్షేత్రస్థాయిలో పరిశీలించారు. ఇందులో భాగంగా ఈ లే అవుట్ ఎన్ని ఎకరాలు, ఎన్ని ప్లాట్లు, ఎంతమంది లబ్ధిదారులు, ఇప్పటివరకు ఎన్ని ఇల్లులు ప్రారంభించారు, అవి ఏ దశలో ఉన్నాయి వంటి వివరాలు అడిగి తెలుసుకొని పరిశీలించారు. స్థానిక మున్సిపల్ కమిషనర్ సహకారం తీసుకొని లబ్ధిదారులను మోటివేషన్ చేసి ఈ లే అవుట్ లో ప్రతి ఒక్కరు ఇళ్ల నిర్మాణాలు చేపట్టుకునేలా అధికారులు కృషి చేయాలన్నారు. ఇంటి నిర్మాణం కావలసినటువంటి సామాగ్రి అందుబాటులో ఉంచడం జరుగుతుందని, ప్రతి ఒక్కరు ఇంటి నిర్మాణ పనులు మొదలు పెట్టాలని లబ్ధిదారులను జిల్లా కలెక్టర్ సూచించారు. జిల్లా కలెక్టర్ గారి వెంట నందికొట్కూరు మున్సిపాలిటీ కమిషనర్ మధుసూదన్ రెడ్డి, నందికొట్కూరు మున్సిపాలిటీ చైర్మన్ సుధాకర్ రెడ్డి, తదితరులు పాల్గొన్నారు.
