admin 
ఆకస్మికంగా వార్డు సచివాలయాలు తనిఖీ
ప్రజలకు జాప్యం లేకుండా ప్రభుత్వ సేవలను పారదర్శకంగా అందించండి
సచివాలయ సిబ్బందికి ఆదేశించిన జిల్లా కలెక్టర్ పి.కోటేశ్వర రావు
కర్నూలు కలెక్టరేట్, మార్చి 02, (సీమకిరణం న్యూస్) :
ప్రజల దగ్గరగా ఉంటూ మెరుగైన సేవలు అందించడంతో పాటు జాప్యం లేకుండా ప్రభుత్వ సేవలను పారదర్శకంగా అందించాలని జిల్లా కలెక్టర్ పి.కోటేశ్వర రావు సచివాలయ ఉద్యోగులకు ఆదేశించారు. బుధవారం నందికొట్కూరు మున్సిపాలిటీ వార్డు సచివాలయం 2 మరియు వార్డు సచివాలయం 10 లను జిల్లా కలెక్టర్ పి.కోటేశ్వర రావు ఆకస్మికంగా తనిఖీ చేశారు. సచివాలయంలో సిబ్బంది హాజరు పట్టిక, ఉద్యోగుల మూవ్మెంట్ రిజిస్టర్, సంక్షేమ పథకాల క్యాలెండర్, ఎస్ఎల్ఏ గడువులోగా ప్రజా సమస్యల పరిష్కార చర్యల నివేదిక, ప్రభుత్వ పథకాల పోస్టర్ లు తదితర వాటిని జిల్లా కలెక్టర్ పరిశీలించారు. ప్రజలకు జాప్యం లేకుండా ప్రభుత్వ సేవలను పారదర్శకంగా అందించాలని సచివాలయ సిబ్బందిని ఆదేశించారు. ప్రజలకు అవసరమైన అన్ని రకాల సేవలను ఇంటి వద్దనే అందించేందుకు సచివాలయ వ్యవస్థ అనేది చాలా కీలకమన్నారు. సచివాలయ ఉద్యోగులు అంతా సక్రమంగా విధులు నిర్వహించాలన్నారు. ప్రభుత్వ పథకాలకు సంబంధించి ప్రజల అందరికీ అవగాహన కల్పించాలన్నారు. ఇప్పటివరకు సచివాలయానికి ఎన్ని సర్వీసులు వచ్చాయి, ఎన్ని సర్వీసులకు పరిష్కారం చూపించారు అనే వివరాలను అడిగి తెలుసుకున్నారు. జిల్లా కలెక్టర్ గారి వెంట నందికొట్కూరు మున్సిపాలిటీ కమిషనర్ మధుసూదన్ రెడ్డి, నందికొట్కూరు మున్సిపాలిటీ చైర్మన్ సుధాకర్ రెడ్డి, తదితరులు పాల్గొన్నారు.
