వ్యాపారం
-జక్కీ మహేష్
దుబాయ్, యూఏఈ ప్రాపర్టీ మార్కెట్ అంటేనే ప్రపంచవ్యాప్తంగా ఉన్న ఇన్వెస్టర్లకు హాట్ ఫేవరెట్. అయితే ఇప్పుడు అక్కడ కేవలం భవనాలే కాదు.. ‘డిజిటల్ టెక్నాలజీ’ కూడా అంతే వేగంగా దూసుకుపోతోంది. ప్రస్తుతం యూఏఈలో జరుగుతున్న 90 శాతం ప్రాపర్టీ డీల్స్ పూర్తిగా ఆన్లైన్ పద్ధతిలోనే సాగుతున్నాయి. ప్రభుత్వం రూపొందించిన డిజిటల్ ప్లాట్ఫారమ్స్ ద్వారా కేవలం ఒక క్లిక్తో ప్రాపర్టీ అసలు యజమాని ఎవరో తెలుసుకోవడం..
పెట్టుబడిదారులకు ‘డేటా’నే అసలైన బలం
ఇప్పుడు ఇన్వెస్టర్లు కేవలం బ్రోకర్లు చెప్పే మాటలు విని డబ్బులు పెట్టడం లేదు. ‘డిజిటల్ డాష్బోర్డ్’ల సాయంతో ప్రతి ప్రాంతంలో అద్దెలు ఎలా ఉన్నాయి? భవిష్యత్తులో ధరలు ఎంత పెరగవచ్చు? వంటి వివరాలను స్వయంగా విశ్లేషిస్తున్నారు. ఇక్కడ ప్రాపర్టీలపై సగటున 5 శాతం నుంచి 8 శాతం వరకు అద్దె ఆదాయం వస్తుండటం విశేషం. రియల్ టైమ్ డేటా అందుబాటులో ఉండటంతో ఇన్వెస్టర్లు చాలా పారదర్శకంగా తీసుకోగలుగుతున్నారు.
ప్రోప్టెక్, ఏఐ మ్యాజిక్
రియల్ ఎస్టేట్ రంగంలో ఇప్పుడు ఆర్టిఫిషియల్ ఇంటెలిజెన్స్ (AI) హవా నడుస్తోంది. ఏఐఐ ఆధారిత స్మార్ట్ టూల్స్ వేల రకాల డేటాను పరిశీలించి ఒక ప్రాపర్టీకి సంబంధించిన ఖచ్చితమైన మార్కెట్ ధరను సెకన్లలో చెబుతున్నాయి. దీనివల్ల ఎక్కువ ధర పెట్టి ఇల్లు కొని మోసపోయే ప్రమాదం దాదాపు సున్నా అని చెప్పవచ్చు. మీ బడ్జెట్, ఇష్టాలకు తగ్గట్టుగా మీకు సరిగ్గా సరిపోయే ఇల్లు ఏ మార్కెట్లో ఉందో కూడా ఈ టూల్స్ వెతికి పెడుతున్నాయి.
తక్కువ బడ్జెట్లో కూడా ఇల్లు సొంతం చేసుకునే అవకాశం!
ఇప్పుడు దుబాయ్లో ఇల్లు కొనాలంటే మీ దగ్గర కోట్లు ఉండాల్సిన అవసరం లేదు. ‘ఫ్రాక్షనల్ ఓనర్షిప్’ అనే కొత్త మోడల్ ఇప్పుడు బాగా పాపులర్ అవుతోంది. దీని ద్వారా ఒక పెద్ద మరియు ఖరీదైన ప్రాపర్టీలో మీరు ఒక చిన్న షేర్ రూపంలో కొనుగోలు చేసి ఇన్వెస్టర్ కావచ్చు. యువత మరియు చిన్న పెట్టుబడిదారులకు కూడా లగ్జరీ ప్రాపర్టీ మార్కెట్లో ప్రవేశం లభిస్తోంది. అలాగే, హోమ్లో ప్రక్రియ కూడా పూర్తిగా డిజిటల్ అయినప్పటికి బ్యాంకుల చుట్టూ తిరగాల్సిన పని మాత్రమే కొన్ని రోజుల్లోనే అప్రూవల్ వస్తుంది.
ఇన్వెస్టర్లకు లభిస్తున్న మూడు ప్రధాన ప్రయోజనాలు:
*పారదర్శకత: అంతా ఆన్లైన్ కావడంతో మోసాలకు తావు లేదు.
*వేగం: వారాల పని కొన్ని రోజుల్లోనే పూర్తవుతోంది.
*అందుబాటు: సామాన్యులు కూడా తక్కువ పెట్టుబడితో రియల్ ఎస్టేట్ దిగ్గజ మార్కెట్లో అడుగుపెట్టవచ్చు.
