జాతీయ రహదారిపై ఘోర రోడ్డు ప్రమాదం

జాతీయ రహదారిపై ఘోర రోడ్డు ప్రమాదం

-: ఆగి ఉన్న లారీని ఢీకొట్టిన కారు

-: నవ దంపతులతో సహా ఐదుగురు మృతి

-: దైవ దర్శనం కోసం వెళ్లి వస్తూ.. మృత్యు వొడి లోకి చేరిన కుటుంబం

-: మృతులు హైదరాబాద్ ఆల్వాల్ వాసులుగా గుర్తింపు

ఆళ్లగడ్డ సమీపంలోని జాతీయ రహదారిపై ఘోర రోడ్డు ప్రమాదం చోటు చేసుకుంది. బుధవారం తెల్ల వారుజామున 5.15 గంటలకు  ఆళ్లగడ్డ మండలం నల్లగట్ల గ్రామం వద్ద జాతీయ రహదారిపై జరిగిన రోడ్డు ప్రమాదంలో ఆగి ఉన్న లారీని స్విఫ్ట్ కారు వేగంగా ఢీకొనడంతో కారులో ఉన్న ఐదుగురు అక్కడక్కడ మరణించారు. మృతుల్లో నవ దంప తులున్నారు. ఇoదుకు సంబంధించి రూరల్ సీఐ హనుమంతు నాయక్ తెలిపిన వివరాల మేరకు… హైదరాబాద్ ఆల్వాల్ దినకరన్ కాలనీకి  చెందిన రవీందర్, లక్ష్మిదంపతుల కుమారుడు బాల కిరణ్ కు కావ్యతో ఫిబ్రవరి 29న తెనాలిలోని ఎస్ఎల్ ఎస్ కన్వెన్షన్ లో వివాహం జరిగింది.. ఈనెల 3న షామీర్ పేట్ లోని సమ్మర్ గ్రీన్ రిసార్ట్ లో రిసెప్షన్ జరిగింది. అనంతరం ఈనెల 4న  దైవదర్శనం కోసం తిరుమలకు వెళ్లి దర్శనం చేసుకుని హైద రాబాద్  వస్తుండగా నల్లగట్ల వద్ద ఆగి ఉన్న లారీని అతివేగంగా కారు ఢీ కొనడంతో కారులో ప్రయాణి స్తున్న మంత్రి రవీందర్ (55), భార్య లక్ష్మి (50), కుమారుడు బాలకిరణ్ (25), కోడలు కావ్య (23), డ్రైవర్ అశోక్ సంఘటన స్థలంలోనే మృతి చెం దారు. లారీ డ్రైవర్ లారీని ఆపి బహిర్భూమికి వెళ్ళగా ఈ సమయంలో కారు వేగంగా వస్తూ లారీ వెనుక భాగంలో ఢీ కొనడంతో ఈ ప్రమాదం జరి గింది.  విషయం తెలిసిన వెంటనే సీఐ హను మంతు నాయక్ సంఘటనా స్థలానికి చేరుకుని సహాయక చర్యలు చేపట్టారు. మరణించిన కుటుం బానికి చెందిన బంధువులకు ప్రమాద సమాచారం ఇచ్చారు. మృతి చెందిన వారిని పోస్టుమార్టం నిమి త్తం ఆళ్లగడ్డ ప్రభుత్వ వైద్యశాలకు తరలించారు. కాగా ఒకే కుటుంబానికి చెందిన నలుగురు మృతి చెందడంతో హైదరాబాద్ లోని ఆల్వాల్ దినకరన్ కాలనీలో విషాద ఛాయలు  అలుముకున్నాయి. రూరల్ పోలీసులు కేసు నమోదు చేసుకుని దర్యాప్తు చేస్తున్నారు.