అంతర్జాతీయ
-బొమ్మ శివకుమార్
ఇజ్రాయెల్ పార్లమెంట్.. ‘నెస్సెట్’ సభ్యులు బుధవారం ప్రధాని నరేంద్ర మోదీకి ఘనస్వాగతం పలికారు. భారత ప్రధానుల్లో ఒకరు నెస్సెట్ను సందర్శించి, ప్రసంగించడం ఇదే తొలిసారి. తన ఇజ్రాయెల్ కౌంటర్పార్ట్ బెంజమిన్ నెతన్యాహుతో కలిసి అధికారిక రిసెప్షన్ వేడుకకు మోదీ చేరుకోగానే, సభ్యులు నిలబడి కరతాళ ధ్వనులతో అభినందించారు. ఈ చరిత్రాత్మక సందర్భంలో ‘మోదీ-మోదీ’ అనే నినాదాలు నెస్సెట్లో మార్మోగాయి.
స్పీకర్ అమీర్ ఒహానా హిందీలో “మిస్టర్ ప్రైమ్మినిస్టర్, జెరూసలేం మే ఆప్కా స్వాగత్ హై, నెస్సెట్ మే ఆప్కా స్వాగత్ హై” (జెరూసలెంకి, నెస్సెట్కు స్వాగతం) అంటూ ఆహ్వానించారు. మోదీని “ఈ కాలపు అత్యంత ప్రభావశీల రాజనీతిజ్ఞుడు” అని కూడా ఆయన కొనియాడారు. రెండు రోజుల పర్యటన కోసం ప్రధాని ఇజ్రాయెల్కు చేరుకున్న మోదీకి బెన్-గూరియన్ అంతర్జాతీయ విమానాశ్రయంలో ఘన స్వాగతం లభించింది. ఇజ్రాయెల్ ప్రధాని బెంజమిన్ నెతన్యాహు, ఆయన సతీమణి సారా నెతన్యాహు ఓ ప్రత్యేక సంజ్ఞగా మోదీకి స్వాగతం పలికారు.
విమానాశ్రయంలో దిగిన వెంటనే, మోదీ, నెతన్యాహు మధ్య ఓ ఏకాంత సమావేశం జరిగింది. ఈ భేటీలో ద్వైపాక్షిక సంబంధాలను బలోపేతం చేసే అంశాలతో పాటు పలు ప్రాంతీయ సమస్యలపై నాయకులు చర్చించారు. “ఇదొక నిజమైన స్నేహ బంధం. గొప్ప స్నేహితుడు, నా గొప్ప స్నేహితుడు” అని మోదీని కలుసుకున్నప్పుడు నెతన్యాహు పేర్కొన్నారు. మోదీ, సారా నెతన్యాహు విమానాశ్రయంలో ఆప్యాయంగా ఆలింగనం చేసుకున్నారు. మోదీ జేబు రుమాలు రంగు సారా కుంకుమపువ్వు రంగు దుస్తులకు సరిగ్గా సరిపోతుందని నెతన్యాహు చమత్కరించారు. “మీరు గొప్ప నాయకుడు” అని నెతన్యాహు మోదీని ప్రశంసించారు.
తర్వాత ఎక్స్ వేదికగా, బెంజమిన్ నెతన్యాహు “నా భార్య సారా, నేను మా స్నేహితుడు, భారత ప్రధాని నరేంద్ర మోదీకి స్వాగతం పలికాము. ఇది మంచి ఇజ్రాయెల్కు ఆయన మరో చారిత్రక పర్యటన” అని పేర్కొన్నారు. మోదీ 2017లో ఇజ్రాయెల్ను సందర్శించిన తర్వాత, తాను ప్రతిగా భారత్లో వినియోగించుకున్న విషయాన్నీ గుర్తుచేసుకున్నారు. నెతన్యాహు తన పోస్టులో, “మేము క్నెసెట్లో ఉత్సవపూరిత స్వీకరణను, జెరూసలేంలో ఆవిష్కరణ, ప్రధాని మోడీతో కలిసి విందులను నిర్వహించాము. రేపు మేము యాద్ వాషెమ్ను సందర్శిస్తాము. ఆ తర్వాత మా బృందాలతో కలిసి మరో సమావేశం, ఆర్థిక, భద్రత, దౌత్య రంగాలలో ఒప్పందాలు ఉంటాయి” అని వివరించారు.
“ప్రధాని నెతన్యాహు, శ్రీమతి నెతన్యాహు విమానాశ్రయంలో ఘన స్వాగతానికి ఎంతో గౌరవంగా ఉన్నాను అలాగే, “టెక్నాలజీ, నీటి నిర్వహణ, వ్యవసాయం, భాగస్వామ్యం రంగాల్లో సన్నిహిత సహకారానికి అపారమైన అవకాశం. ప్రాంతీయ పరిణామాలు కూడా చర్చించినట్లు తెలిపారు.
ప్రధాని మోదీ చివరిసారిగా 2017లో ఇజ్రాయెల్ను సందర్శించారు. ఆ పర్యటన రక్షణ, వ్యవసాయం, నీటి నిర్వహణ రంగాల్లో రెండు దేశాల మధ్య కొత్త మార్గాలను తెరిచింది. ఆ సమయంలో కూడా నెతన్యాహు బెన్-గూరియన్ విమానాశ్రయంలో మోదీకి స్వాగతం పలికారు.
