అంతర్జాతీయ
ఓయి-లింగారెడ్డి గజ్జల
ఉత్తర కొరియాలో ‘కిమ్’ సామ్రాజ్యానికి కొత్త వారసురాలు సిద్ధమవుతోందా? ఆ దేశపు ఉక్కు కోట్ల వెనుక జరుగుతున్న పరిణామాలు ఇప్పుడు ప్రపంచవ్యాప్తంగా చర్చనీయాంశంగా మారాయి. దక్షిణ కొరియా నిఘా సంస్థల అంచనాల ప్రకారం, కిమ్ంగ్ ఉన్(కిమ్ జోంగ్ ఉన్) తన వారసత్వ జోగ్గాలను తన కుమార్తె కిమ్ జు యే(కిమ్ జు ఏ)కు అప్పగించేందుకు రంగం సిద్ధం చేస్తున్నారు.
ఇటీవల ఉత్తర కొరియా అధికారిక మీడియా విడుదల చేసిన కొన్ని ఫోటోలు అంతర్జాతీయ సమాజంలో సంచలనం సృష్టిస్తున్నాయి. సైనిక అధికారులకు స్నైపర్ రైఫిళ్లను బహుమతిగా ఇచ్చే కార్యక్రమంలో, కిమ్ కుమార్తె జు యే స్వయంగా ఒక రైఫిల్ను ఎయిమ్ చేస్తూ కనిపించారు. కేవలం తండ్రి పక్కన నిలబడటమే కాకుండా, సైనిక వ్యవహారాల్లో ఆమె చురుగ్గా పాల్గొంటున్న తీరు చూస్తుంటే.. కిమ్ తర్వాత దేశ పగ్గాలు పట్టేది ఆమెనే అనే వార్తలకు మరింత బలం చేకూరుస్తోంది.
వర్కర్స్ పార్టీ వేదికగా కిమ్ పక్కా ప్లాన్..
ఉత్తర కొరియాలో ప్రతి ఐదేళ్లకు ఒకసారి అత్యంత ప్రతిష్టాత్మకంగా జరిగే ‘వర్కర్స్ పార్టీ’ సమావేశాలు తాజాగా ముగిశాయి. తనపై నమ్మకంతో పనిచేస్తున్న ప్రభుత్వ, సైనిక అధికారులకు కృతజ్ఞతగా కిమ్ రైఫిళ్లను బహుకరించారు. అయితే, ఈ వేదికపై కిమ్ తన కుమార్తెను దక్షిణ అధికారిక వారసురాలిగా పేర్కొన్నారని కొరియా నిఘా సంస్థ (NIS) అంచనా వేసినప్పటికీ, అటువంటి ప్రకటన ఏదీ నేరుగా రాలేదు. కానీ, పార్టీ ఆమోదముద్ర పొందే దిశగా తెరవెనుక పావులు కడుపుతున్నట్లు నిపుణులు.
సోదరి పర్యవేక్షణ.. కుమార్తె ప్రమోషన్..
మరోవైపు కిమ్ జోంగ్ ఉన్ సోదరి, కిమ్ యో జోంగ్ కూడా పార్టీలో కీలక బాధ్యతలు నిర్వహించారు. ప్రస్తుతం ఆమె పార్టీ కేంద్ర కమిటీ డైరెక్టర్ జనరల్ అఫైర్స్గా వ్యవహరిస్తున్నారు, అంతర్గత పరిపాలనా వ్యవహారాలను చక్కబెడుతున్నారు. పురుషాధిక్యత ఎక్కువగా ఉండే ఉత్తర కొరియా రాజకీయాల్లో ఒక మహిళా వారసురాలు రావడం అసాధ్యమని గతంలో భావించారు, క్షిపణి పరీక్షల నుంచి మిలిటరీ పరేడ్ల వరకు ప్రతిచోటా కిమ్ పక్కన జు యే కనిపిస్తుండటం ఒక స్పష్టమైన సంకేతం ఇస్తోంది.
రాజకీయ వ్యూహం – భవిష్యత్తు చిత్రం..
కిమ్ జోంగ్ ఉన్ తన కుమార్తెను చిన్నతనం నుంచే సైనిక వాతావరణంలో పెంచుతూ, ప్రజలకు మరియు సైన్యానికి ఆమెను అలవాటు చేస్తున్నారు. కిమ్ వంశ పారంపర్య పాలనను (Paektu Bloodline) నిలబెట్టే విధంగా, తన వారసురాలికి ఇప్పటి నుంచే యుద్ధ తంత్రంపై పట్టు సాధించేలా శిక్షణ ఇస్తున్నట్లు తెలిపారు. భవిష్యత్తులో ఈ ‘లిటిల్ ప్రిన్సెస్’ ఉత్తర కొరియాను ఏ నడిపిస్తుందో అన్నది ఇప్పుడు ప్రపంచ దేశాల ముందున్న పెద్ద ప్రశ్న.
ఉత్తర కొరియా నాయకుడి వారసత్వం గురించి అధికారిక ప్రకటన వచ్చే వరకు ఏది ఖాయం కాదు, కానీ సైనిక కార్యక్రమాల్లో జు యే ప్రాధాన్యత పెరగడం గమనించదగ్గ మార్పు.
