TTD: మే నెలలో తిరుమల వెళ్తున్నారా – దర్శనం, వసతి ఇలా సులభంగా పొందండి..!! | 2026 మే నెలలో వివిధ దర్శనాలు, వసతి, సేవా కోటాల ఆన్‌లైన్ విడుదల తేదీలను టీటీడీ ప్రకటించింది.

ఆంధ్ర ప్రదేశ్

ఓయ్-సాయి చైతన్య

నవీకరించబడింది: సోమవారం, ఫిబ్రవరి 16, 2026, 15:08 (IST)

<!--

TTD కీలక ప్రకటన చేసింది. వేసవి సెలవుల్లో తిరుమలకు వచ్చే వారికి అప్డేట్ ఇచ్చింది. మే నెలలో శ్రీవారి దర్శనం…వసతి.. సేవల టికెట్ల జారీ తేదీలను ప్రకటించింది. మూడు ముందే టీటీడీ భక్తులకు శ్రీవారి దర్శనంతో పాటుగా సేవా టికెట్లను ఆన్‌లైన్‌లో విడుదల చేస్తోంది. మే నెలకు సంబంధించిన తిరుమ’ల శ్రీవారి ఆర్జిత సేవా టికెట్ల(సుప్రభాతం, తోమాల, అర్చన, అష్టదళ పాదపద్మారాధన సేవ) కు సంబంధించిన మే నెల కోటాను ఫిబ్రవరి 18న ఉదయం 10 గంటలకు టీటీడీ ఆన్‌లైన్‌లో విడుదల చేయనున్నారు.

కాగా, ఈ సేవా టికెట్లు ఎలక్ట్రానిక్ డిప్ కోసం ఫిబ్రవరి 20వ తేదీ ఉదయం 10 గంటల వరకు ఆన్‌లైన్‌లో నమోదు చేసుకోవచ్చు. ఈ టికెట్లు పొందిన వారు ఫిబ్రవరి 20 నుండి 22వ తేదీ మధ్యాహ్నం 12 గంటల లోపు సొమ్ము చెల్లించిన వారికి టికెట్లు మంజూరవుతాయి. అదే విధంగా కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవ టికెట్లను 21న ఉదయం 10 గంటలకు టీటీడీ ఆన్‌లైన్‌లో విడుదల చేయనున్నారు. వర్చువల్ సేవలు, వాటి దర్శన స్లాట్‌లకు సంబంధించిన కోటాను 21న మధ్యాహ్నం 3 గంటలకు టీటీడీ ఆన్‌లో విడుదల చేయాల్సిన ఫోన్‌లను ప్రసారం చేస్తుంది. అంగ ప్రదక్షిణ టోకెన్ల కోటాను 23న ఉదయం 10 గంటలకు విడుదల చేయనున్నారు.

వేసవి సెలవుల రద్దీ వేళ

శ్రీవాణి ట్రస్టు దర్శన టికెట్ల కోటాను 23న ఉదయం 11 గంటలకు విడుదల చేయనున్నారు. వయోవృద్ధులు, దివ్యాంగులు, దీర్ఘకాలిక వ్యాధులున్నవారు తిరుమల శ్రీవారిని దర్శించుకునేందుకు వీలుగా ఉచిత ప్రత్యేక దర్శనం టోకెన్ల కోటాను 23న మధ్యాహ్నం 3 గంటలకు టీటీడీ ఆన్‌లైన్‌లో విడుదల చేయనున్నారు. కాగా, ఇక ప్రత్యేక ప్రవేశ దర్శన టికెట్ల కోటాను 24న ఉదయం 10 గంటలకు టీటీడీలైన్‌లో విడుదల చేయనున్నారు.

తిరుమల, తిరుపతిలో గదుల కోటాను 24న మధ్యాహ్నం 3 గంటలకు ఆన్‌లైన్‌లో విడుదల చేస్తారు. ఏప్రిల్ నెలకు సంబంధించిన శ్రీవారి సేవా, పరకామణి సేవ కోటాను 27న మధ్యాహ్నం 3 గంటలకు విడుదల చేస్తారు. https://ttdevasthanams.ap.gov.in వెబ్‌సైట్ ద్వారా శ్రీవారి ఆర్జితసేవలు, దర్శన టికెట్లు బుక్ చేసుకోవాలని కోరుతున్నారు.