తెలంగాణ
ఓయి-లింగారెడ్డి గజ్జల
పచ్చని చెట్ల మధ్య, ఉదయపు తేమ ఇంకా ఆరని నేలపై చిన్న చిన్న పాదముద్రలు… అవి మనుషులవి కాదు, కొత్త ఇంటి కోసం కుక్కపిల్లలవి. జూబ్లీహిల్స్ కేబీఆర్ పార్క్లో ఉదయం ఒక రాజకీయ వేదిక కాకుండా, మానవత్వానికి అద్దం పట్టిన ప్రాంగణంలో కనిపించింది. అక్కడ మాట్లాడింది పదవులు కాదు… హృదయాలు.
జీహెచ్ఈ ఆధ్వర్యంలో నిర్వహించిన ఇండియన్ డాగ్ అడాప్షన్ కార్యక్రమం ఘనంగా సాగింది. రాష్ట్ర మంత్రులు కొండా సురేఖ, సీతక్క ఈ ముద్రణ. కొండా సురేఖ చేతుల మీదుగా ఒక స్వదేశీ కుక్కపిల్లను మంత్రి సీతక్క దత్తత తీసుకోవడం అక్కడి వాతావరణాన్ని హృదయానికి హత్తుకునేలా మార్చింది. అది కేవలం ఒక ఆచారం కాదు.. ఒక ప్రాణికి కొత్త జీవితం ఇచ్చిన క్షణం. అదే సమయంలో ఎంపీ రేణుకా చౌదరి కూడా ఒక కుక్కపిల్లను దత్తత తీసుకుని ఆదర్శంగా నిలిచారు.
సీతక్క మాట్లాడుతూ నగర నడిబొడ్డున ఇలాంటి కార్యక్రమం జరగడం అభినందనీయం అని అన్నారు. స్ట్రే డాగ్స్ను దత్తత తీసుకోవడం ద్వారా వాటిని జీవించే హక్కు కల్పించడమే కాకుండా, సమాజంలో మానవత్వాన్ని పెంపొందించుకోవాలని ఆమె పేర్కొన్నారు. అహింసే కాంగ్రెస్ పార్టీ మూల సిద్ధాంతమని గుర్తుచేసిన ఆమె, ప్రతి ప్రాణికీ జీవించే హక్కు ఉందని స్పష్టం చేశారు. “విశ్వాసానికి మారుపేరు కుక్క” అని చెప్పిన ఆమె మాటలు అక్కడున్న వారిని ఆలోచింపజేశాయి.
హైదరాబాద్లోని కేబీఆర్ పార్క్లో మంత్రిగా చేరాను @iamkondasurekhaఎంపీ @రేణుకాకాంగ్రెస్మరియు MLC @వెంకట్ బల్మూర్ GHMC ద్వారా హృదయపూర్వక కుక్క దత్తత డ్రైవ్ కోసం.
విశ్వాసం మరియు రక్షణకు ప్రతీక అయిన దేశీ కుక్కపిల్లని దత్తత తీసుకున్నారు.
ఈ ఉదాత్తమైన చొరవకు నేను GHMCని అభినందిస్తున్నాను. వీధి కుక్కలను దత్తత తీసుకుంటే… pic.twitter.com/B1UvvIG6Zn
— దనసరి సీతక్క (@seethakkaMLA) ఫిబ్రవరి 14, 2026
తెలంగాణలో కొన్ని కుక్కలను హతమార్చిన ఘటనలను ప్రస్తావిస్తూ, అలాంటి చర్యలను ప్రభుత్వం ఖండించిందని, వారిపై చర్యలు తీసుకున్నామని తెలిపారు. మానవత్వంతో వ్యవహరించాలని ఆమె చర్యలు పాటిస్తూ. ఒక ప్రాణిని కాపాడటం అంటే మనిషిలోని మానవత్వాన్ని కాపాడటమేనని ఆమె భావోద్వేగంగా చెప్పారు.
కుక్క ఎప్పుడూ మోసం చేయదు..
గ్రామాల్లో ఒకప్పుడు ప్రతి ఇంటికీ ఒక కుక్క ఉండేదని, పది మందితో సమానంగా అది కాపలా కాస్తుందని ఆమె గుర్తు చేశారు. మనుషుల మధ్య విశ్వాసం తగ్గుతున్న ఈ రోజుల్లో కూడా ఇంటి కుక్క మాత్రం తన యజమానిని ఎప్పుడూ మోసం చేయలేదని ఆమె అన్నారు.
స్వదేశీ జాతుల కుక్కలను దత్తత పిలుపునిస్తూ, చిన్న అడుగు కూడా పెద్ద మార్పుకు దారితీస్తుందని ఈ కార్యక్రమం మరోసారి చూపించింది. ఆ రోజు కేబీఆర్ పార్క్లో కేవలం కుక్కపిల్లలకు ఇళ్లు దొరికాయి… మనసులకు ఒక కొత్త మృదుత్వం దొరికింది.
