అంతర్జాతీయ
ఓయ్-చంద్రశేఖర్ రావు
<!--
--> <!--
అమెరికా- ఇజ్రాయెల్- ఇరాన్ మధ్య యుద్ధం తీవ్రరూపం దాల్చింది. దాదాపుగా గల్ప్ దేశాలన్నీ దీని వల్ల ప్రభావితం అయ్యాయి. సౌదీ అరేబియా మొదలుకుని బహ్రెయిన్ వరకూ ఏది మినహాయింపు కాదు. ఆయా దేశాల్లోని అమెరికన్ ఎయిర్ బేస్ స్టేషన్లు, రాయబార కార్యాలయాలను ఇరాన్ వదిలిపెట్టలేదు. వాటన్నింటిపైనా మిస్సైళ్ల వర్షాన్ని కురిపిస్తోంది. డ్రోన్లతో శక్తిమంతమైన బాంబులను జారవిడుస్తోంది.
తాజాగా సౌదీ అరేబియా రాజధాని రియాద్ లో అమెరికా రాయబార కార్యాలయాలపై దాడులు జరిగాయి. ఈ మంగళవారం తెల్లజామున వరుస పేలుళ్లు సంభవించాయి. ఈ పేలుళ్ల వల్ల దూర ప్రాంతంలో ఉండే నివాసాలు సైతం దెబ్బతిన్నాయంటే దీని తీవ్రత ఏ స్థాయిలో ఉందో అర్థం చేసుకోవచ్చు. శక్తిమంతమైన బాంబులు పేలడంతో పలు నివాసాల అద్దాలు ధ్వంసం అయ్యాయి. దీనికి సంబంధించిన వీడియోలు సోషల్ మీడియాలో వైరల్ అయ్యాయి.
ఈ తాజా దాడుల నేపథ్యంలో భారత రాయబార కార్యాలయం సూచనలు జారీ చేసింది. ప్రస్తుతం సౌదీ అరేబియాలో నెలకొన్న పరిస్థితుల దృష్ట్యా, అక్కడ భారతీయ పౌరులందరూ అప్రమత్తంగా ఉండాలని కోరింది. సౌదీ అరేబియాలో అమలులో ఉన్న భద్రతా మార్గదర్శకాలను కచ్చితంగా పాటించాలని, స్థానిక అధికారులు, రాయబార కార్యాలయం జారీ చేసే సలహాలను అనుసరించాలని సూచించింది.
రియాద్లోని భారత రాయబార కార్యాలయం, జెద్దాలోని కాన్సులెట్ జనరల్, వీఎఫ్ఎస్ ద్వారా అందిస్తున్న తమ ఔట్సోర్స్ సేవలు సాధారణంగా కొనసాగుతున్నాయని రాయబార కార్యాలయం పేర్కొంది. అవసరాన్ని బట్టి భవిష్యత్తులో మరిన్ని తాజా సమాచారం, సలహాలు అందజేశాయి. రియాద్/జెద్దా నుండి భారత్ లోని వివిధ గమ్యస్థానాలకు పలు విమానయాన సంస్థలు తమ సేవలను కొనసాగిస్తున్నాయి. స్వదేశానికి వెళ్లడానికి భారతీయ పౌరులు లభ్యతను తనిఖీ చేసి, ఈ విమాన సేవలను ఉపయోగించుకోని సీట్లను సూచించండి.
రియాద్లోని భారత రాయబార కార్యాలయ అత్యవసర 24×7 హెల్ప్లైన్ నంబర్లు: 00-966-11-4884697. వాట్సాప్ నంబర్: 00-966-542126748, టోల్-ఫ్రీ: 800 247 1234. ఈమెయిల్: (ఇమెయిల్ రక్షించబడింది).
జెద్దాలో భారత కాన్సులెట్ జనరల్ అత్యవసర 24×7 హెల్ప్లైన్ నంబర్లు. వాట్సాప్: +966 536209704, ల్యాండ్లైన్: 00966 126648660/00 966 12 2614093, మొబైల్: +966 556122301, టోల్-ఫ్రీ: 800 244 000: (ఇమెయిల్ రక్షించబడింది), (ఇమెయిల్ రక్షించబడింది).
ఆంగ్ల సారాంశం
రియాద్పై దాడి తర్వాత భారతీయ పౌరులకు సౌదీ అరేబియాలోని భారత రాయబార కార్యాలయం నుండి ముఖ్యమైన సలహా. ప్రస్తుతం సౌదీ అరేబియా రాజ్యంలో ఉన్న భారతీయ జాతీయులందరూ అప్రమత్తంగా ఉండాలని, ప్రబలంగా ఉన్న భద్రతా మార్గదర్శకాలను ఖచ్చితంగా పాటించాలని మరియు సలహాలను అనుసరించాలని సూచించారు.