అంతర్జాతీయ
ఓయ్-కొరివి జయకుమార్
<!--
--> <!--
అదృష్టం ఎప్పుడు, ఎవరిని, ఎలా వరిస్తుందో ఎవరూ చెప్పలేరు. చాలా మంది షాపింగ్ మాల్స్లో కూపన్ల కోసం ఎదురుచూసినా.. లక్ కొందరినే వరిస్తుంది. ఈ తరహా ఘటనలు ఇప్పటికే చోటు చేసుకోగా.. ఇప్పుడు లేటెస్ట్ గా దుబాయ్లో కాల్ సెంటర్ ఉద్యోగిగా పనిచేస్తున్న శ్రీలంక వాసి సుమిత్ విషయంలో మాత్రం విచిత్రం జరిగింది. కేవలం కొన్ని లక్షల రూపాయల పెట్టుబడితో ఏకంగా గోల్డ్ లగ్జరీ మెర్సిడెస్ కారును సొంతం చేసుకున్నాడు.
వాస్తవానికి దుబాయ్లో ఏటా వేసవిలో ‘షాప్ & విన్’ ప్రమోషన్లతో పాటు షాపింగ్ ఫెస్టివల్లు జరుగుతాయి. అయితే ఈసారి తన పేరు బహుమతి గెలుచుకున్న వారి జాబితాలో సుమిత్ కలలో కూడా ఊహించలేదు. ఈ సంఘటన ప్రముఖ మీడియా సంస్థ ద్వారా వెలుగులోకి వచ్చింది. దీంతో ఈ వ్యవహారం హాట్ టాపిక్ గా మారింది. ఈ సంఘటన జరిగి అతని పెట్టుబడికి ఏకంగా 50 రెట్లు ఎక్కువ విలువైన బహుమతి వచ్చింది.
అసలేం జరిగిందంటే..?
సుమిత్ సుమారు 15,000 దీనార్లతో (దాదాపు రూ. 3.7 లక్షలు) బంగారు బిస్కెట్లను కొనుగోలు చేశాడు. ఇటీవలే ప్రారంభమైన దుబాయ్ గోల్డ్ డిస్ట్రిక్ట్కు వెళ్లడం అతనికి అదే మొదటిసారి. డిసెంబర్ 11 నుండి ఫిబ్రవరి 8 వరకు జరిగిన ‘షాప్ & విన్’ ప్రచారం కింద, ఖర్చు చేసిన ప్రతి 500 దిర్హామ్లకు ఒక వోచర్ లభించగా, సుమిత్కు 30 రాఫిల్ కూపన్లు వచ్చాయి. బంగారు బిస్కెట్లను కొనుగోలు చేసిన తర్వాత, అక్కడున్న గోల్డ్ లగ్జరీ మెర్సిడెస్ కారుతో సరదాగా ఫోటో దిగాడు. అయితే, అదే కారు తనకు బహుమతిగా వస్తుందని సుమిత్ కలలో కూడా ఊహించలేదు.
ఒకరోజు రాత్రి డ్యూటీ ముగించుకుని ఇంటికి వచ్చి సుమిత్ నిద్రపోతున్న సమయంలో అతనికి ఒక ఫోన్ కాల్ వచ్చింది. తమకు వచ్చిన మెయిల్ను పరిశీలించామని అవతలి వ్యక్తి సూచించారు. మెయిల్ చూసిన సుమిత్ తన కళ్లను తానే నమ్మలేకపోయాడు. బహుమతి గెలుచుకున్నాడనే నిర్ధారించుకున్నాక, ఆనందంతో ఉబ్బితబ్బిబ్బయ్యాడు.
అయితే, ఆ కారును అమ్మి డబ్బులు వాడుకోవాలని చాలామంది సుమిత్కు సలహా ఇచ్చారు. కానీ అతను ఆ ప్రతిపాదనను తిరస్కరించాడు, కారును తన వద్దనే ఉంచుకోవాలని నిర్ణయించుకున్నాడు. దుబాయ్లో రెండు దశాబ్దాల పాటు కష్టపడిన తన కృషికి లభించిన దైవ వరంగా ఈ బహుమతిని సుమిత్ అభివర్ణించాడు.
ఆంగ్ల సారాంశం
దుబాయ్ లో కాల్ సెంటర్ ఉద్యోగిగా పనిచేస్తున్న శ్రీలంకకు చెందిన సుమిత్ విషయంలో ఓ విచిత్రం జరిగింది. కేవలం కొన్ని లక్షల రూపాయల పెట్టుబడితో బంగారు విలాసవంతమైన మెర్సిడెస్ కారును కొనుగోలు చేశాడు.