అంతర్జాతీయ
-సయ్యద్ అహ్మద్
ఇరాన్ (iran) సుప్రీం లీడర్ ఆయతొల్లా అలీ ఖమేనీని అంతమొందించడంతో యుద్ధం ముగిసిపోతుందని, ఆ దేశం లొంగిపోతుందని భావించిన అమెరికా అధ్యక్షుడు డొనాల్డ్ ట్రంప్ (donald trump) కు ఇప్పుడు చుక్కలు కనిపిస్తున్నాయి. చూస్తుండగానే యుద్ధం ప్రారంభమై వారం రోజులు గడిచిపోయింది. ఓవైపు ఆయుధాగారం ఖాళీ అవుతోంది. మరోవైపు ఇరాన్ వెనక్కి తగ్గేలా కనిపించడం లేదు. దీంతో ఈ వార్ నుంచి ఎలా బయటపడాలో తెలియక ట్రంప్ పైకి గాంభీర్య ప్రకటనలు అర్దమవుతోంది.
మొదట ఈ యుద్ధం నాలుగు-ఐదు వారాలకు మించదని డొనాల్డ్ ట్రంప్ అంచనా వేశారు. అయితే ఆయన ప్రభుత్వం సుదీర్ఘ యుద్ధానికి సిద్ధంగా లేదని తాజా నివేదికలు చెబుతున్నాయి. ఈ యుద్ధం సెప్టెంబర్ వరకు సాగితే ట్రంప్ అధ్యక్ష పదవికి సవాలుగా మారే ప్రమాదముందని తేలిపోయింది. ఇరాన్పై సుదీర్ఘ సైనిక చర్యకు ఇజ్రాల్తో కలిసి సిద్ధమవుతున్న ట్రంప్.. గూఢచార కార్యకలాపాలను ముమ్మరం చేస్తోంది. చూస్తుండగానే ఈ యుద్ధం మధ్యప్రాచ్యంలోని 9 దేశాలకు విస్తరించింది. అయినా పరిష్కార సంకేతాలు కనిపించట్లేదు. వరుసగా రెండోసారి అధ్యక్ష పదవి దక్కించుకోవాలన్న ట్రంప్ ఆశలపై నీళ్లు చల్లుతోంది.
అమెరికా అధికారులు ఈ యుద్ధం కనీసం సెప్టెంబర్ వరకు అంటే అమెరికాలో మధ్యతర ఎన్నికలకు రెండు నెలల ముందు వరకు కొనసాగుతుందని అంచనా వేస్తున్నారు. ట్రంప్ ప్రారంభంలో చెప్పిన నాలుగు-ఐదు వారాల అంచనా కేవలం నాలుగు రోజులకే మారిపోయింది. అమెరికా భారత్ 30 రోజుల పాటు రష్యా చమురు కార్గోలను కొనుగోలు చేయడానికి తాత్కాలిక అనుమతి ఇచ్చింది. హార్ముజ్ జలసంధిలో అంతరాయల మధ్య ఈ చర్య గల్ఫ్ ఇంధన ప్రవాహాలు సాధారణ స్థితికి త్వరగా వస్తాయనే అంచనాతో ఇది అర్దమవుతోంది. అయితే ఈ వేగవంతమైన సైనిక సన్నాహాలు.. యుద్ధ తీవ్రతను, ఇరాన్ దృఢత్వాన్ని అమెరికా తక్కువ అంచనా వేసిందని స్పష్టం చేస్తుంది.
చైనా విస్తృత సహాయంతో ఇరాన్ భారీ డ్రోన్లు, క్షిపణుల ఆయుధాగారాన్ని కూడబెట్టింది. ట్రంప్ తక్కువ అంచనా వేసిన ఈ ఆయుధాలను టెహ్రాన్ మధ్యప్రాచ్యం అంతటా దాడులకు ఉపయోగిస్తోంది. ఉన్నత కమాండర్లను కోల్పోయినట్లు.. ఇరాన్ సైన్యం.. నిర్ణయాలు తీసుకోవడంలో పట్టు బిగిస్తోంది. గల్ఫ్ దేశాలపై డ్రోన్లు, క్షిపణులతో తీవ్ర దాడులు జరుగుతున్నాయి. నాయకత్వ నిర్మూలనకు అధికారాన్ని కింది స్థాయికి బదిలీ చేయడం ఇరాన్ వ్యూహమని తేలిపోతోంది. నాటో సభ్య దేశమైన టర్కీపై ఇరాన్ దాడి చేయడం, అది వెనక్కి తగ్గడనే దాని నిశ్చయాన్ని స్పష్టం చేస్తుంది. అంతర్గత నిరసనల్ని అణచివేసిన ఇరాన్ పై ప్రజావ్యతిరేకత ఉంటుందని అమెరికా, ఇజ్రాయెల్ వేసిన లెక్కలు తప్పాయి. ఈ యుద్ధం ట్రంప్ అధ్యక్ష పదవికి తీవ్ర సవాలుగా మారబోతోంది.
