ఆంధ్ర ప్రదేశ్
ఓయి-లింగారెడ్డి గజ్జల
“మానవత్వానికి మరణం లేదు.. కలిసికట్టుగా పోరాడితే సాధించలేనిది ఏది లేదు” అని తెలుగు ప్రజలు మరోసారి నిరూపించారు. గత కొన్ని నెలలుగా రెండు తెలుగు రాష్ట్రాల్లో మారుమోగుతున్న పేరు ‘పునర్విక'(పునర్విక). ప్రాణాంతకమైన వ్యాధితో పోరాడుతున్న 11 నెలల పసికందును రక్షించుకోవాలని అందరూ కంకణం కట్టుకున్నారు. సాధారణ ప్రజల నుంచి సోషల్ మీడియా ఇన్ఫ్లుయెసర్ల వరకు ప్రతి ఒక్కరూ స్పందించి, చిన్నారి చికిత్సకు అవసరమైన భారీ అందిస్తారు.
ఎట్టకేలకు ప్రాణదాత అయిన ఆ ఖరీదైన ఇంజెక్షన్ కోసం డబ్బు సిద్ధమవడంతో, పునర్వికకు పునర్జన్మ లభించినట్లయింది. ఈ శుభవార్తను చిన్నారి తండ్రి సురేష్ కుమార్ ఎంతో భావోద్వేగంతో పంచుకుంటూ, “ఈ రోజు నుంచి ఫాండింగ్ ఆపేయండి.. దయచేసి ఎవ్వరూ డోనెట్ చేయొద్దు” అంటూ ఒక వీడియో ద్వారా దాతలకు కృతజ్ఞతలు తెలుపుతూ విజ్ఞప్తి చేశారు.
పునర్విక కు కేంద్రం నచ్చి బైరెడ్డి శబరి సాయం..
ఈ పోరాటంలో నంద్యాల ఎంపీ బైరెడ్డి శబరి పాత్ర మరువలేనిది. తన క్యాంపులో నిర్వహించిన ప్రజాదర్భార్ పునర్విక తండ్రి సురేష్ తన ఆవేదనను ఎంపీ దృష్టికి తీసుకువచ్చారు. ఒప్పందం తక్షణమే స్పందించిన ఆమె, కేంద్ర ఆరోగ్య శాఖ మంత్రి జెపి. నడ్డాతో సంప్రదింపులు జరిపి, ‘జాతీయ అరుదైన వ్యాధుల విధానం’ (NPRD) కింద భారత ప్రభుత్వం నుంచి రూ. 50 లక్షల ఆర్థిక సహాయాన్ని అందించారు. “ప్రజల ఆరోగ్యమే నా మొదటి ప్రాధాన్యత.. పునర్విక త్వరగా కోలుకోవాలి” అని ఆకాంక్షిస్తూ, ఆ కుటుంబానికి ఎప్పటికీ అండగా ఉంటానని ఎంపీ భరోసా ఇచ్చారు. ఈ చిన్నారి కుటుంబానికి కొండంత అండగా నిలిచింది.
పబ్లిక్ గ్రీవెన్స్ ఫోరమ్లో, చిన్నారి పునర్విక తండ్రి అరుదైన వ్యాధితో బాధపడుతున్న తన కుమార్తె చికిత్స కోసం తక్షణ సహాయం కావాలని నా దృష్టికి తీసుకువచ్చారు. అతని వేదన విన్న తరువాత, నేను వెంటనే స్పందించి, అవసరమైన అన్ని వైద్య సహాయం అందిస్తానని హామీ ఇచ్చాను… pic.twitter.com/2VEKgluH2Z
— డా.బైరెడ్డి శబరి (@ByreddyShabari) ఫిబ్రవరి 25, 2026
పునర్విక కథ..
ఆంధ్రప్రదేశ్ కర్నూలు జిల్లా వెల్దుర్తికి చెందిన జంపాల మంగళి సురేశ్కుమార్, పుష్పావతి దంపతులకు 2025 మే 12న పునర్విక జన్మించింది. ఆరు వయసు వచ్చినా పాప కదలికలు లేకపోవడంతో ఆందోళన చెందిన తల్లిదండ్రులు కర్నూలు ఆసుపత్రుల్లో, ఆపై హైదరాబాద్లోని ఎఎన్సి హాస్పిటల్లో పరీక్షలు చేశారు. అప్పుడే ఆ చిన్నారికి ‘స్పైనల్ మస్క్యులర్ అట్రోఫీ’ (SMA) అనే అరుదైన జన్యుపరమైన సమస్య ఉన్నట్లు వైద్యులు గుర్తించారు. ఇది వెన్నెముకలోని మోటార్ న్యూరాన్లను దెబ్బతీసి, కండరాల బలహీనతకు దారితీసే వ్యాధి. దీనివల్ల శ్వాస తీసుకోవడం, నడక, కదలికలు దాదాపు అసాధ్యమవుతాయి.
ఇంజెక్షన్ ధర అక్షరాల రూ. 16 కోట్లు..
ఈ ప్రాణాంతక వ్యాధికి చికిత్సగా వైద్యులు సూచించిన ‘జోల్జెన్స్మా’ అంటే ఇంజెక్షన్ ధర అక్షరాల రూ. 16 కోట్లు. ఒక సామాన్య కుటుంబానికి ఇది ఊహకందని మొత్తం. కానీ, పట్టువదలని ఆ తల్లిదండ్రులు సోషల్ మీడియా ద్వారా ప్రజల సాయం. వేల సంఖ్యలో దాతలు స్పందించి చిన్నారి చికిత్సకు దారి చూపారు. నిధి సమకూరిన నేపథ్యంలో, పునర్వికకు చికిత్స ఎప్పుడు, ఎక్కడ జరుగుతుందనే దానిపై త్వరలోనే స్పష్టత రానుంది. మొత్తానికి తెలుగు రాష్ట్రాల ఐక్యత ఒక పసిగుండెలో ప్రాణం పోసింది.
