ఆంధ్ర ప్రదేశ్
ఓయ్-బొమ్మ శివకుమార్
<!--
--> <!--
ఆర్సెలార్ మిట్టల్- నిప్పన్ స్టీల్ పరిశ్రమకు శంకుస్థాపన అనంతరం ముఖ్యమంత్రి నారా చంద్రబాబు నాయుడు కీలక వ్యాఖ్యలు చేశారు. 20 నెలల్లోనే స్పీడ్ ఆఫ్ డూయింగ్ బిజినెస్ విధానంలో ఆర్సెలార్ మిట్టల్- నిప్పన్ స్టీల్ పరిశ్రమ ఏర్పాటును సాకారం చేసి చూపించామని అన్నారు. ఈ భారీ పరిశ్రమ ద్వారా ప్రత్యక్షంగా పరోక్షంగా లక్ష మంది యువతకు ఉద్యోగాలు వస్తాయని తెలిపారు.
“ఈ ప్రాజెక్టు సాకారం కావటంలో కృషి చేసిన ఆదిత్య మిట్టల్, మంత్రి నారా లోకేష్ను అభినందిస్తున్నాను. ఉక్కు పరిశ్రమ ఏర్పాటు కోసం భూమిని ఇచ్చిన రైతులకు ధన్యవాదాలు తెలియజేస్తున్నాను. రెండు దశల్లో నిర్మితమయ్యే ఈ ఉక్కు పరిశ్రమ ద్వారా 17.8 మిలియన్ టన్నుల ఉక్కు ఉత్పత్తి అవుతుంది. అనకాపల్లిలో కేవలం స్టీల్ ప్లాంట్కు మాత్రమే ఉత్పత్తి అవుతుంది. సీఎం చంద్రబాబు తెలిపారు.
“2028 నాటికి ప్లాంట్లో మొదటి దశ ఉత్పత్తి చేసే కార్యాచరణ. 2030 జూన్ నాటికి మొదటి బ్లాస్టర్ ఫర్సెన్, డిసెంబరు నాటికి రెండో బ్లాస్ట్ ఫర్నెస్ నిర్మాణం పూర్తి అవుతుంది. అలాగే జాతీయ రహదారిని అనుసంధానిస్తూ 4 లెన్ల రహదారి కూడా పూర్తి అవుతుంది. పరిశ్రమకు ముడి చమురు సరఫరా కోసం పైప్ లైన్ కూడా పూర్తి అవుతుంది.
“ఇంత వేగంగా పరిశ్రమకు భూసేకరణ, అనుమతులు ఇచ్చింది దేశంలో ఒక్క ఏపీలోనే.. దేశంలో పెట్టుబడులకు అత్యంత అనుకూలమైన ప్రాంతం ఆంధ్రప్రదేశ్. పారిశ్రామిక అనుకూల ప్రభుత్వం, రాష్ట్రం. నిపుణులు, మానవ వనరులు ఏపీకి మాత్రమే సొంతం. టూరిజం నుంచి అన్ని డేడా సెంటర్ల వరకు, ఫుడ్ ప్రాసెసింగ్ నుంచి తయారీ రంగం వరకూ కూడా ఏపీలో మెండైన అవకాశాలు ఉన్నాయి.
“రతన్ టాటా ఇన్నోవేషన్ హబ్ ద్వారా వన్ ఫ్యామిలీ వన్ ఎంట్రప్రెన్యూర్ అనే నినాదాన్ని విజయవంతం చేస్తాం. విశాఖలో గూగుల్ డేటా సెంటర్ ఏర్పాటు కాబోతోంది. దేశంలోనే 15 బిలియన్ డాలర్ల ప్రత్యక్ష పెట్టుబడులు రావటం ఇదే తొలిసారి. బీపీసీఎల్ సహా 20 నెలల్లో డేటా అందుబాటులోకి వస్తోంది. కేంద్రాలు, ఐటీ సెంటర్లు ఇలా కేంద్రంగా మారుతున్నాయి.
“కొత్తగా పోర్టులు, ఎయిర్ పోర్టులు వస్తున్నాయి. ఉత్తరాంధ్రలో మూలపేట పోర్టు, భోగాపురంలో అంతర్జాతీయ విమానాశ్రయం ప్రారంభిస్తాం.
“మొదటగా అనకాపల్లి జిల్లాకు ఈ పరిశ్రమలో ఉద్యోగాలు కల్పించాలని కోరుకుంటున్నాను. ఆవిష్కరణల కోసం ఈ మెటలర్జీ సెంటర్ ఆఫ్ ఎక్స్ లెన్స్ ఏర్పాటు చేస్తున్నందుకు యువత అభినందనలు తెలుపుతున్నాను” అని సీఎం చంద్రబాబు పేర్కొన్నారు.