భారతదేశం
ఓయ్-సయ్యద్ అహ్మద్
<!--
--> <!--
తమిళనాడు (తమిళనాడు)లో అసెంబ్లీ ఎన్నికల షెడ్యూల్ విడుదల కావడంతో రాజకీయం ఒక్కసారిగా వేడెక్కింది. అధికార డీఎంకే కూటమికీ, విపక్ష అన్నాడీఎంకే-బీజేపీ కూటమికీ మధ్య సాగుతున్న పోరులోకి హీరో విజయ్ పార్టీ టీవీకే కూడా వచ్చి చేరింది. ఈ టీవీకే పార్టీ నేత ఒకరు రజనీకాంత్ ను ఈ పోరులోకి లాగడంతో ఆయన నేరుగా స్పందించాల్సి వచ్చింది. ఇప్పుడు డీఎంకే-అన్నాడీఎంకే పోరులోకి మరో హీరోయిన్ వచ్చి చేరారు. ఆమె నయనతార.
ఎన్నికల వేళ స్టాలిన్ ప్రభుత్వం జనంలోకి వెళ్లేందుకు ఓ కీలక కార్యక్రమం చేపట్టారు. దీని పేరు “మీ కలలను చెప్పండి”. ప్రజలు ఏం కోరుకుంటున్నారో తెలుసుకుని, దాన్ని నెరవేర్చేందుకు సీఎం స్టాలిన్ దీన్ని చేస్తున్నారు. ఈ కార్యక్రమం కింద, వాలంటీర్లు ఇళ్లకు వెళ్లి పాలనపై ప్రజల అభిప్రాయాలు, సూచనలు సేకరిస్తారు. అయితే దీన్ని విమర్శిస్తూ అన్నాడీఎంకే రాజ్యసభ ఎంపీ సి.వి.షణ్ముగం చీప్ కామెంట్స్ చేశారు.
“మీ కలలను చెప్పండి” కార్యక్రమం ద్వారా ప్రభుత్వం అడుగుతున్న ప్రశ్నకు సమాధానంగా “నాకు నయనతార కావాలి” అంటూ షణ్ముగం చేసిన వ్యాఖ్యలు రాజకీయాలను ఒక్కసారిగా వేడెక్కించాయి. ఈ గృహాన్ని ఎద్దేవా చేస్తూ ఎంపీ ..”నాకు నయనతార కావాలి, మీరు ఆ కలలను నెరవేరుస్తారా? నయనతారను పెళ్లి చేసుకోవాలంటే ఎవరి కలనైనా ఆయన (ఎంకే స్టాలిన్) నెరవేరుస్తారా?” మాజీ మంత్రి కూడా అయిన షణ్ముగం.. స్టాలిన్ ఆక్షేపిస్తూ చేసిన ఈ వ్యాఖ్యలపై అధికార డీఎంకే కూటమి పార్టీలతో పాటు సాధారణ ప్రజల్ని కూడా మంటపుట్టించేలా చేశాయి. డీఎంకే పాలనలో మహిళలపై పెరుగుతున్న నేరాలు, క్షీణిస్తున్న శాంతిభద్రతలకు వ్యతిరేకంగా అన్నాడీఎంకే చేపట్టిన నిరసనల సందర్భంగా షణ్ముఖం తన సొంత నియోజకవర్గమైన విల్లుపురంలో ఈ వ్యాఖ్యలు చేశారు.