వ్యాపారం
ఓయి-లింగారెడ్డి గజ్జల
ప్రపంచ ఆర్థిక వ్యవస్థకు దిక్సూచిగా నిలిచే అమెరికా ఫెడరల్ రిజర్వ్, కీలక వడ్డీ రేట్ల విషయంలో మరోసారి ‘వెయిట్ అండ్ వాచ్’ ధోరణినే అవలంబించింది. జెరోమ్ పావెల్ ఉంచని ఫెడరల్ ఓపెన్ మార్కెట్ కమిటీ (FOMC) బుధవారం జరిగిన వడ్డీ రేట్లను 3.50% నుండి 3.75% మధ్య స్థిరంగా నిర్ణయం తీసుకుంది. ఒకవైపు ద్రవ్యోల్బణం పీడిస్తుండటం, మరోవైపు మధ్యప్రాచ్యంలో ముదురుతున్న యుద్ధ మేఘాల ఆర్థిక వ్యవస్థను గాడిలో పెట్టేందుకు ఈ కఠిన నిర్ణయం తీసుకున్న కమిటీ.
అమెరికా-ఇరాన్ మధ్య నెలకొన్న ఉద్రిక్తతలు ఈసారి ఫెడ్ నిర్ణయంపై బలమైన ముద్ర వేశాయి. ఇరాన్-ఇజ్రాయెల్ యుద్ధం కారణంగా అంతర్జాతీయ మార్కెట్లో ముడి చమురు ధరలు ఏకంగా 50% మేర పెరగడం ద్రవ్యోల్బణాన్ని మరింత రాజేసింది. ఫిబ్రవరిలో విడుదలైన టోకు ద్రవ్యోల్బణం (PPI) ఆగిపోవడం కూడా అంచనాలను మించి 3.4 శాతం చేరడం ఆందోళన కలిగిస్తోంది. వడ్డీ రేట్లు తగ్గిస్తే ద్రవ్యోల్బణం కట్టడి దాటిపోతుందన్న భయంతోనే పావెల్ బృందం రేట్లను యథాతథంగా ఉంచింది.
ట్రంప్ ఒత్తిడి.. పావెల్ పట్టుదల!
అమెరికా అధ్యక్షుడు డొనాల్డ్ ట్రంప్ గత అప్పుగా వడ్డీ రేట్లను తగ్గించి భారాన్ని తగ్గించాలని ఫెడ్ చైర్ జెరోమ్ పావెల్పై తీవ్ర ఒత్తిడి తెస్తున్నారు. మే నెలలో పావెల్ పదవీకాలం ముగియన, ఆయన స్థానంలో రేట్ల తగ్గింపును గట్టిగా సమర్థించే కేవిన్ వార్ష్ను తీసుకురావాలని ట్రంప్ యోచిస్తున్నారు. అయినప్పటికీ, పావెల్ మాత్రం రాజకీయ ఒత్తిళ్లకు తలొగ్గకుండా ఆర్థిక క్రమశిక్షణకే మొగ్గు చూపారు. 11-1 ఓట్ల మెజారిటీతో రేట్లను స్థిరంగా ఉంచిన కమిటీ.. ఈ ఏడాది చివర్లో ఒకసారి రెట్ల తగ్గింపు ఉండొచ్చని చిన్న ఆశను మాత్రం మిగిల్చింది.
ముందున్నవి గడ్డు కాలమేనా?
అమెరికా ఆర్థిక వ్యవస్థ ప్రస్తుతం మూడు ప్రధాన సవాళ్లను ఎదుర్కొంటోంది: ఒకటి అదుపులోకి రాని ద్రవ్యోల్బణం, రెండు బలహీనపడుతున్న కార్మిక మార్కెట్, మూడు ఇరాన్ వివాదంతో ఏర్పడిన అనిశ్చితి. ఐదు ఏళ్లుగా 2 శాతం ద్రవ్యోల్బణం లక్ష్యాన్ని చేరుకోవడంలో ఫెడ్ విఫలమవుతూనే ఉంది. ప్రస్తుత వడ్డీ రేట్లను స్థిరంగా ఉంచడం వల్ల మార్కెట్లలో కొంత నిరాశ ఎదురైనా, దీర్ఘకాలంలో ఇది ఆర్థిక స్థిరత్వానికి తోడ్పడుతుందని నిపుణులు. యుద్ధం గనుక మరింత ముదిరితే, భవిష్యత్తులో వడ్డీ రేట్లు పెరిగే అవకాశాలను కూడా ఫెడ్ తోసిపుచ్చలేదు.
