వ్యాపారం
ఓయి-లింగారెడ్డి గజ్జల
<!--
--> <!--
లోన్ కోసం అప్లై చేసి “అభినందనలు!” అనే మెసేజ్ కోసం ఫోన్ చూస్తూ ఉండగా… బదులుగా “We regret to inform you…” అని వస్తే ఎలా ఉంటుంది? ఒక్క క్షణం గుండె బరువెక్కుతుంది. “నా జీతం తక్కువే కాబట్టి అయి ఉంటుంది…” అని మనమే మనకు కారణం చెబుతాం.
బ్యాంకులు కేవలం మీ జీతం చూసి నిర్ణయం తీసుకోవాలి. మీ డబ్బు అలవాట్లు, చెల్లింపుల క్రమశిక్షణ, మీ క్రెడిట్ కార్డ్ వాడకం.. ఇవన్నీ కలిసి ఆర్థిక వ్యక్తిత్వాన్ని ఇస్తాయి. చిన్న పొరపాటు కూడా పెద్ద ప్రభావం చూపుతుంది. ఇప్పుడు అసలు గుట్టు ఎక్కడుందో సింపుల్గా చూద్దాం.
క్రెడిట్ స్కోర్ తక్కువగా ఉంటుంది
ఇది చాలా కామన్ కారణం. మీరు EMI ఒకటి ఆలస్యంగా చెల్లించినా, క్రెడిట్ కార్డ్ బిల్ మిస్ చేసినా.. అది మీ క్రెడిట్ రిపోర్టులో రికార్డ్ అవుతుంది. “ఒక్కసారి ఆలస్యం చేశాను, అంతేగా!” అనిపించొచ్చు. కానీ బ్యాంక్ దృష్టిలో అది ఒక రిస్క్ సిగ్నల్. మీ స్కోర్ బ్యాంక్ నిర్ణయించిన కనీస స్థాయికి దిగువన ఉంటే, దరఖాస్తు వెంటనే రిజెక్ట్ అయ్యే అవకాశం ఉంది.
క్రెడిట్ కార్డ్ పరిమితి ఫుల్గా వాడటం
ప్రతి నెలా మీ కార్డ్ పరిమితి దాకా వాడుతున్నారా? మీరు టైంకి బిల్ చెల్లిస్తున్నా కూడా, ఇది బ్యాంక్కు ఒక మెసేజ్ ఇస్తుంది. “ఇతను అప్పులపై ఎక్కువగా ఆధారపడుతున్నాడు” అని. క్రెడిట్ వినియోగం తక్కువగా ఉంచితేనే మీరు బాధ్యతాయుతంగా వాడుతున్నట్టు కనిపిస్తుంది.
తక్కువ సమయంలో చాలా అప్లికేషన్లు
ఒక నెలలో రెండు-మూడు లోన్లు లేదా కార్డుల కోసం అప్లై చేస్తే, ప్రతి సారి మీ క్రెడిట్ రిపోర్ట్పై హార్డ్ చెక్ జరుగుతుంది. ఎక్కువ చెక్లు అంటే “డబ్బు కోసం ఆతురతగా ఉన్నాడు” అనే ఇంప్రెషన్. దాంతో స్కోర్ కూడా తాత్కాలికంగా పడిపోతుంది.
ఉద్యోగం – ఆదాయం స్థిరంగా లేకపోవడం
బ్యాంక్కు స్థిరత్వం చాలా ముఖ్యం. తరచూ ఉద్యోగం మారడం, ఆదాయం ఎప్పుడో, ఎప్పుడూ తక్కువగా ఉండటం.. ఇవన్నీ రిస్క్గా కనిపిస్తాయి. స్వయం ఉపాధి చేసేవారికి ఆదాయ ప్రూఫ్ క్లియర్గా లేకపోతే కూడా సమస్యే.
క్రెడిట్ రిపోర్ట్లో తప్పులు
కొన్ని సార్లు తప్పు మీది కాదు. ఇప్పటికే క్లోజ్ చేసిన లోన్ ఇంకా యాక్టివ్గా చూపించవచ్చు. మీరు చేయని డిఫాల్ట్ కూడా కనిపించొచ్చు. ఇవి సరిచేయకపోతే, మీ స్కోర్కు అనవసర నష్టం.
ఒకసారి రిజెక్ట్ అయ్యిందంటే అంతే అన్నట్టు కాదు. అది ఒక సిగ్నల్ మాత్రమే.. “కొంచెం ఫైనాన్స్ హ్యాబిట్స్ మెరుగుపరుచుకో” అని. బిల్లులు టైంకి చెల్లించడం, కార్డ్ వినియోగం తగ్గించడం, అవసరం లేకుండా కొత్త లోన్ల కోసం అప్లై చేయకపోవడం.. ఇవి కొద్దికాలంలోనే మీ స్కోర్ను మెరుగుపరుస్తాయి.
ఆంగ్ల సారాంశం
రుణం లేదా క్రెడిట్ కార్డ్ దరఖాస్తు తిరస్కరించబడిందా? బ్యాంకులు ఆమోదాలను తిరస్కరించడానికి అసలు కారణాలను కనుగొనండి మరియు మీ క్రెడిట్ స్కోర్ను మెరుగుపరచడానికి మరియు ఆమోద అవకాశాలను పెంచడానికి ఆచరణాత్మక చిట్కాలను తెలుసుకోండి.