కారు ప్రియులకు గుడ్ న్యూస్! రెనో కార్లపై అదిరిపోయే ఆఫర్లు!! | రెనాల్ట్ ఇండియా కార్ డిస్కౌంట్లు: కిగర్, క్విడ్ మరియు ట్రైబర్, కొత్త డస్టర్ పై రూ. 73,500 వరకు తగ్గింపు

వ్యాపారం

ఓయ్-జక్కీ మహేష్

ప్రచురించబడింది: మంగళవారం, ఫిబ్రవరి 10, 2026, 15:46 (IST)

<!--

ఇండియాలో బడ్జెట్ ధరలో లభించే స్టైలిష్ కార్లకు రెనో ఇండియా(రెనాల్ట్ ఇండియా) పెట్టింది పేరు. మధ్యతరగతి అవసరాలను దృష్టిలో ఉంచుకుని ఈ ఫిబ్రవరి నెలలో కొత్త కారు కొనాలనుకునే వారి కోసం సంస్థ భారీ డిస్కౌంట్లను ప్రకటించింది. తన పాపులర్ మోడల్స్ అయిన క్విడ్ హ్యాచ్‌బ్యాక్, కైగర్ ఎస్‌యూవీ, ట్రైబర్ MPVలపై ఏకంగా రూ.73,500 వరకు ప్రయోజనాలను అందిస్తోంది. పెరుగుతున్న కార్ల ధరల మధ్య, ఈ స్థాయి తగ్గింపు కారు కొనుగోలుదారులకు పెద్ద ఊరటనిస్తుందని చెప్పవచ్చు.

రెనో కైగర్‌పై కాసుల వర్షం
రెనో నుంచి వచ్చిన సబ్-4 మీటర్ కాంపాక్ట్ SUV ‘కైగర్’ (రెనాల్ట్ కిగర్) ఈ నెలలో అత్యధిక డిస్కౌంట్లను సొంతం చేసుకుంది. ఈ కారుపై మొత్తం రూ.73,500 వరకు ప్రయోజనాలు ఉన్నాయి. ఇందులో రూ.48,500 నేరుగా నగదు తగ్గింపు రూపంలో ఉండగా.. మరో రూ.15,000 ఎక్స్ఛేంజ్ బోనస్ కింద, రూ.10,000 లాయల్టీ బోనస్ కింద లభిస్తున్నాయి. ప్రస్తుతం కైగర్ ఎక్స్-షోరూమ్ ధర రూ.5.76 లక్షల నుంచి ప్రారంభమై రూ.10.34 లక్షల వరకు ఉంది. ఫీచర్లు, లుక్ పరంగా ఈ సెగ్మెంట్‌లో ఇది ఉత్తమ ఎంపికగా నిలుస్తోంది.

బడ్జెట్ క్విడ్‌పై ఆకర్షణీయమైన తగ్గింపు
తక్కువ బడ్జెట్‌లో మంచి మైలేజ్ ఇచ్చే కారు కోసం చూస్తున్న వారికి ‘రెనో క్విడ్’ ఒక వరమని చెప్పవచ్చు. ఈ నెలలో క్విడ్ మోడల్‌పై రూ.35,000 వరకు డిస్కౌంట్ నోటీసులు. నగదు తగ్గింపుతో పాటు పాత కారును మార్చుకునే వారికి ఎక్స్ఛేంజ్ బోనస్ కూడా అందుబాటులో ఉంది. కేవలం రూ.4.30 లక్షల (ఎక్స్-షోరూమ్) ప్రారంభ ధరతో లభిస్తున్న ఈ హ్యాచ్‌బ్యాక్, ఇప్పుడు లభిస్తున్న ఆఫర్‌లతో మరింత చౌకగా మారనుంది. యువతను ఆకట్టుకునే డిజైన్, మోడరన్ ఫీచర్లు క్విడ్ ప్రధాన బలం.

పెద్ద కుటుంబాలకు ట్రైబర్ సరైన ఛాయిస్
ఇండియాలో అత్యంత చౌకగా లభించే 7-సీటర్ కారుగా ‘రెనో ట్రైబర్’ మంచి గుర్తింపు పొందింది. పెద్ద కుటుంబాలకు, దూర ప్రయాణాలకు అనుకూలంగా ఉంటే ఈ MPVపై కూడా ఫిబ్రవరి నెలలో ప్రత్యేక ఆఫర్లు ఉన్నాయి. రూ.5.76 లక్షల నుంచి ప్రారంభమయ్యే ట్రైబర్‌పై లాయల్టీ, ఎక్స్ఛేంజ్ బోనస్‌ల ద్వారా భారీగా ఆదా చేయవచ్చు. తక్కువ ధరకు 7 సీట్ల వసతి కల్పించడంలో ట్రైబర్‌కు సాటిలేదని భావిస్తున్నారు.

వచ్చే నెలలో ‘కొత్త డస్టర్’ రాక
రెనో ఎంతో ఆసక్తిగా ఎదురుచూస్తున్న శుభవార్త అభిమానులు.. నెక్స్ట్ జనరేషన్ డస్టర్ ఎంట్రీకి సమయం ఆసన్నమైంది. ఇప్పటికే కంపెనీ దీన్ని ఆవిష్కరించింది. వచ్చే నెల మార్చిలో దీని ధరలను అధికారికంగా ప్రకటించనుంది. బోల్డ్ లుక్, అత్యాధునిక ఇంటీరియర్, శక్తివంతమైన హైబ్రిడ్ ఇంజిన్‌తో వస్తున్న ఈ కొత్త డస్టర్, హ్యుందాయ్ క్రెటా, టాటా సియెర్రా వంటి కార్లకు గట్టి పోటీ ఇవ్వనుంది. పాత స్టాక్‌ను క్లియర్ చేయడానికి, కొత్త వెర్షన్‌లకు దారి సుగమం చేయడానికి రెనో ఈ భారీ డిస్కౌంట్లను ఆఫర్‌లు అందజేస్తుంది.