కర్నూలులో కాల్పుల కలకలం

కర్నూలులో కాల్పుల కలకలం: 

 

గాల్లోకి 3 రౌండ్ల ఫైరింగ్.. ఇద్దరు యువకులు అరెస్ట్..!

 

 

కర్నూలు క్రైమ్ , జూలై 26, (సీమకిరణం న్యూస్):

 

 

కర్నూలు నగర పరిధిలోని జోహరాపురం రోడ్‌లో ఆదివారం తుపాకీ కాల్పులు తీవ్ర కలకలం రేపాయి. ఒక బ్యాడ్మింటన్ పోటీల ప్రాంగణం వద్ద గాల్లోకి కాల్పులు జరపడంతో స్థానికులు, క్రీడాకారులు తీవ్ర భయాందోళనకు గురయ్యారు. ఈ ఘటనకు సంబంధించి పోలీసులు ఇద్దరు యువకులను వెంటనే అదుపులోకి తీసుకున్నారు.

 

బ్యాడ్మింటన్ అకాడమీ వద్ద ఘటన

 

 

పోలీసుల సమాచారం మేరకు.. జోహరాపురం రోడ్‌లోని విఆర్ ఎన్ (VRN) బ్యాడ్మింటన్ అకాడమీలో బ్యాడ్మింటన్ పోటీలు జరుగుతున్నాయి. ఈ పోటీలను తిలకించేందుకు, పాల్గొనేందుకు వచ్చిన వారిలోనే కొందరు వివాదానికి దిగి గాల్లోకి 3 రౌండ్లు కాల్పులు జరిపినట్లు తెలుస్తోంది.

 

 

తెలంగాణ రిజిస్ట్రేషన్ వాహనం స్వాధీనం

 

కాల్పులు జరిపిన వ్యక్తులు AP 40BK 1919 నంబర్ గల తెలంగాణ రిజిస్ట్రేషన్ వాహనంలో వచ్చినట్లు పోలీసులు ప్రాథమికంగా గుర్తించారు. సమాచారం అందుకున్న వెంటనే ఘటనా స్థలానికి చేరుకున్న పోలీసులు, ఆ వాహనంతో పాటు నిందితులైన ఇద్దరు యువకులను అదుపులోకి తీసుకుని విచారణ వేగవంతం చేశారు. కాల్పులకు గల అసలు కారణాలు ఏమిటి? వారి వద్దకు తుపాకీ ఎలా వచ్చింది? అనే కోణంలో పోలీసులు కేసు నమోదు చేసుకుని దర్యాప్తు చేస్తున్నారు.