అంతర్జాతీయ
ఓయ్-జక్కీ మహేష్
అమెరికా వ్యాపారవేత్త, వృత్తి నేరస్థుడు జెఫ్రీ ఎప్స్టీన్ కేసులో తాజాగా విడుదలైన పత్రాలు అంతర్జాతీయ స్థాయిలో ప్రకంపనలు సృష్టిస్తున్నాయి. అమెరికా న్యాయశాఖ విడుదల చేసిన ఈ చరిత్రాత్మక ‘ఎప్స్టీన్ ఫైల్స్’లో మొదటిసారిగా ఓ భారతీయ అమ్మాయి. బాధితులుగా వెల్లడైంది. ఎప్స్టీన్ స్థానిక నేరాల ప్రపంచంలోకి ఓ భారతీయ యువతిని కూడా బలవంతంగా నెట్టడం లేదా ఆమెను వేధించడం అనే వార్త ఇప్పుడు ఇండియాలోనూ తీవ్ర చర్చకు దారితీస్తోంది.
ఈమెయిల్ ద్వారా బయటపడిన రహస్యం
ఈ షాకింగ్ విషయం దాదాపు ఆరేళ్ల క్రితం.. అంటే జనవరి 13, 2020న రాసిన ఓ ఈమెయిల్ ద్వారా వెలుగులోకి వచ్చింది. బాధితుల న్యాయపోరాటం చేస్తున్న ‘ఎడ్వర్డ్స్ పాటింగర్ LLC’ లా సంస్థకు చెందిన లాయర్ బ్రిట్నీ హెండర్సన్, అమెరికా ప్రభుత్వ అధికారులకు ఒక మెయిల్ పంపారు. అందులో ఎప్స్టీన్ బారిన పడి తీవ్ర మానసిక క్షోభ అనుభవిస్తున్న బాధితులకు థెరపీ (మానసిక చికిత్స) అవసరమని నిర్ణయించారు. ఆ జాబితాలోనే ఒక బాధితురాలు ప్రస్తుతం భారతదేశంలో కనిపించిందని ఆమె ప్రత్యేకంగా ప్రస్తావించారు.
ఆ బాధితురాలు కోసం అమెరికా అధికారుల ఆరా
ఈమెయిల్లో లాయర్ హెండర్సన్ అధికారులను ఒక కీలక ప్రశ్న అడిగారు. “ఒక బాధితురాలు ప్రస్తుతం భారత్లో ఉంది. అమెరికా ప్రభుత్వం ఆమెకు అక్కడ ఏమైనా సహాయం చేయగలదా? అమెరికాలో బాధితులకు ఉచిత థెరపీ సెషన్లు ఇచ్చే అవకాశం ఉందా?” అని ప్రశ్నించారు. దీనికి స్పందించిన అమెరికా అధికారులు, బాధితులకు పరిహారం, వారి ఆరోగ్యానికి అవసరమైన థెరపిస్ట్లను ఏర్పాటు చేసేందుకు సిద్ధంగా ఉన్నట్లు తెలిపారు. ఈ వెబ్సైట్ ఆ యువతి వివరాలను సేకరించేందుకు అధికారులు ప్రయత్నాలు చేస్తున్నారు.
గుర్తు తెలియని ఆ భారతీయ యువతి ఎవరు?
అమెరికా ప్రభుత్వం ఈ ఫైల్స్ విడుదల చేసినప్పటికీ.. బాధితులు ప్రైవసీని దృష్టిలో ఉంచుకుని ఆ అమ్మాయి పేరును గోప్యంగా ఉంచారు. సాధారణంగా నేరాల కేసుల్లో బాధితుల గుర్తింపును బయటపెట్టారు. అయితే ఆ యువతి ఇప్పుడు ఇండియాలోనే ఉందనే వార్త సోషల్ మీడియాలో దావనంలా వ్యాపించింది. ఆమె ఎవరై ఉంటారు? ఎపిస్టీన్ నెట్వర్క్లో ఆమె ఎలా చిక్కుకుంది? అనే నెటిజన్లు రకరకాల కహానీలు వినిపిస్తున్నాయి. విదేశీ ప్రయాణాలు చేసినప్పుడు లేదా ఉన్నత వర్గాల నెట్వర్క్ ద్వారా ఆమె ఎప్స్టీన్ కబంధ హస్తాల్లో చిక్కి ఉండేందుకు అవకాశం ఉంది.
ఎపిస్టీన్ చీకటి సామ్రాజ్యం – అసలేమిటి ఈ ఫైల్స్?
జెఫ్రీ ఎప్స్టీన్ అనే వ్యక్తి అమెరికాలో ఒకప్పుడు అత్యంత శక్తివంతుడైన ఫైనాన్షియర్. తనకున్న పలుకుబడితో ప్రపంచంలోని ప్రముఖ రాజకీయ నేతలు, వ్యాపారవేత్తలతో సంబంధాలు నెరిపేవాడు. ఈ ముసుగులో అతను మైనర్ బాలికల అక్రమ రవాణా, ఇతర వేధింపుల నెట్వర్క్ను నడిపేవాడు. 2025లో అమెరికా కాంగ్రెస్ పాస్ చేసిన ‘ఎప్స్టీన్ ఫైల్స్ ట్రాన్స్పరెన్సీ యాక్ట్’ ద్వారా ఈ రహస్యాలన్నీ బయటకు వస్తున్నాయి. జనవరి 2026లో ఏకంగా 35 లక్షల పేజీల డాక్యుమెంట్లు, వేల సంఖ్యలో వీడియోలు, ఫోటోలు బహిరంగమయ్యాయి. ఇందులో భారతీయ కనెక్షన్ బయటపడటం ఈ కేసులో ఒక కొత్త మలుపుగా మారింది.
