ఈ వినాశనం అంచనాలకు అందదు: దశాబ్దాల పాటు శాపం తప్పదు. | మధ్యప్రాచ్యంలో అణు ముప్పు: ఇరాన్-ఇజ్రాయెల్-యుఎస్ వివాదం తీవ్రతరం మధ్య దశాబ్దాల సుదీర్ఘ విపత్తు గురించి WHO హెచ్చరించింది

అంతర్జాతీయ

ఓయి-లింగారెడ్డి గజ్జల

ప్రచురించబడింది: గురువారం, మార్చి 19, 2026, 17:42 (IST)

<!--

ప్రపంచం ప్రస్తుతం ఒక అగ్నిపర్వతం మీద కూర్చుని ఉందా? అంటే… మధ్యప్రాచ్యంలో ఇరాన్, ఇజ్రాయెల్- అమెరికా దేశాల మధ్య ముదురుతున్న ఘర్షణలు చూస్తుంటే అవుననే సమాధానం వినిపిస్తోంది. తాజాగా ప్రపంచ ఆరోగ్య సంస్థ (WHO) చేసిన హెచ్చరికలు భూగోళాన్ని వణికించేలా ఉన్నాయి. ఈ ప్రాంతంలో నెలకొన్న ఉద్రిక్తతలు కేవలం సంప్రదాయ యుద్ధానికే పరిమితం కాకుండా, ఒక భయంకరమైన ‘అణు విపత్తు’కు దారితీసే అవకాశం ఉందని WHO అత్యంత ఆందోళన వ్యక్తం చేసింది.

మార్చి 19, 2026 నాటి నివేదికల ప్రకారం, క్షేత్రస్థాయిలో పరిస్థితులు అత్యంత వేగంగా విషమిస్తున్నాయని, అణు సౌకర్యాలపై దాడులు జరిగే క్లిష్ట పరిస్థితులకు తాము సిద్ధమవుతున్నామని సంస్థ ప్రకటించింది. తూర్పు మధ్యధరా చూపడం WHO డైరెక్టర్ ప్రాంతీయ హనన్ బల్కీ ఈ ముప్పుపై దృష్టి సారించింది. ఒకవేళ అణు ప్రమాదం గనుక సంభవించే, దాని పరిణామాలు కేవలం యుద్ధం జరుగుతున్న దేశాలకే పరిమితం కావని ఆమె స్పష్టం చేశారు.

ఊహించుకుంటూనే వణుకు..

“మేము ఎంత సిద్ధమైనా, ఈ విపత్తు వల్ల కలిగే నష్టాన్ని పూర్తిగా నిరోధించడం ఎవరి వల్ల కాదు. ఇది సంభవించే దాని ప్రభావం దశాబ్దాల పాటు ఉంటుంది. తరతరాల ఆరోగ్య వ్యవస్థపై, పర్యావరణంపై రేడియేషన్ కోలుకోలేని దెబ్బ తీస్తుంది” అని ఆమె హెచ్చరించారు. అణు ఆయుధాల వినియోగం, అణు కేంద్ర దృశ్యాలపై దాడులు వంటి వినాశకరాలను ఊహించుకుంటూనే WHO బృందాలు అత్యవసర ప్రోటోకాల్‌లను సమీక్షిస్తున్నాయి.

తీరం దాటిన ఉద్రిక్తతలు..

గత కొద్దిరోజులుగా జరుగుతున్న పరిణామాలు ఈ భయాలకు బలాన్ని చేకూరుస్తున్నాయి. మార్చి 9న ఇజ్రాయెల్‌లోని నెతాన్యా తీరంపై ఇరాన్ జరిపిన క్షిపణి దాడులు గగనతలాన్ని యుద్ధ భూమిగా మార్చేశాయి. ఈ దాడుల వెనుక వ్యూహాత్మక లక్ష్యాలు, ఇరాన్ అణు మౌలిక సదుపాయాలు మరియు ఇంధన కేంద్రాలను లక్ష్యంగా చేసుకోవడం అంతర్జాతీయ ఏజెన్సీల నిద్ర చెడగొడుతోంది. అణు ఆయుధాలు నేరుగా వాడకపోయినా, అణు రియాక్టర్లు దెబ్బతిన్నా అది ‘రేడియోలాజికల్’ విపత్తుకు దారితీస్తుందని నిపుణులు భయపడుతున్నారు. ఇది సంప్రదాయ యుద్ధం నుండి ఒక అనిశ్చిత, అత్యంత ప్రమాదకరమైన దశకు పరిణామం చెందడాన్ని ప్రతిబింబిస్తోంది.

నివారణే ఏకైక మార్గం: WHO

ప్రస్తుతం WHO అధికారులు చెత్త పరిస్థితులను ఎదుర్కోవడానికి సిద్ధంగా ఉన్నారు, అసలు పరిస్థితి రాకూడదని మనస్ఫూర్తిగా కోరుకుంటున్నారు. గతంలో సంభవించిన అణు విపత్తుల నుండి నేర్చుకున్న పాఠాల ఆధారంగా భారీ ప్రాణనష్టాన్ని తగ్గించేందుకు ప్రణాళికలు రూపొందించారు. అయితే, అణు వికిరణం (రేడియేషన్) అనేది సరిహద్దులు లేని శత్రువు అని, అది ప్రపంచ శాంతికి, భద్రతకు సవాలుగా మారుతుందని ఈ నివేదికలు హెచ్చరిస్తున్నాయి. అగ్రరాజ్యాలు తమ వ్యూహాత్మక ప్రయోజనాల కంటే మానవాళి మనుగడకే ప్రాధాన్యత ఇవ్వాల్సిన సమయం ఆసన్నమైందని అంతర్జాతీయ సమాజం భావిస్తోంది.