తెలంగాణ
ఓయి-లింగారెడ్డి గజ్జల
<!--
--> <!--
తెలంగాణ ఇంటర్మీడియట్ విద్యార్థులకు కీలక అప్డేట్. మార్చి 2026 వార్షిక పరీక్షలకు సంబంధించి హాల్లను రాష్ట్ర ఇంటర్మీడియట్ బోర్డు అధికారికంగా విడుదల చేసింది. పరీక్షల నిర్వహణకు సర్వం సిద్ధం చేసిన అధికారులు, ఈసారి విద్యార్థులకు ఎటువంటి ఇబ్బందులు కలగకుండా అత్యాధునిక సాంకేతికతను జోడించారు.
తెలంగాణ రాష్ట్రవ్యాప్తంగా దాదాపు 9.9 లక్షల మంది విద్యార్థులు రాయనున్న ఇంటర్మీడియట్ ప్రథమ, ద్వితీయ సంవత్సర పరీక్షల హాల్ టికెట్లు సిద్ధమయ్యాయి. ఫిబ్రవరి 25, 2026 నుంచి ప్రారంభం కానున్న ఈ పరీక్షల కోసం బోర్డు అన్ని ఏర్పాట్లను పకడ్బందీగా పూర్తి చేసింది.
ఇంటర్ హాల్ టిక్కెట్లు డౌన్లోడ్ వివరాలు:
విద్యార్థులు తమ హాల్ టికెట్లను ఇంటర్ బోర్డు అధికారిక వెబ్సైట్ డౌన్లోడ్ చేసుకోవచ్చు. అదనంగా, విద్యార్థుల రిజిస్టర్డ్ మొబైల్ నంబర్లకు హాల్ టికెట్ లింక్ను SMS రూపంలో పంపుతున్నారు. అయితే, ఆన్లైన్లో డౌన్లోడ్ చేసుకున్న ప్రతి కాపీని సంబంధిత కళాశాల ప్రిన్సిపాల్తో ధ్రువీకరించాలని అధికారులు స్పష్టం చేశారు.
ఈసారి కొత్తగా ‘QR కోడ్’ సదుపాయం:
పరీక్షా కేంద్రాలను వెతుక్కునే శ్రమను తగ్గించడానికి బోర్డు ఈసారి హాల్ టికెట్లపై QR కోడ్ను ముద్రించింది. విద్యార్థులు తమ స్మార్ట్ఫోన్ ద్వారా ఈ కోడ్ను స్కాన్ చేస్తే, వారి పరీక్షా కేంద్రం యొక్క ఖచ్చితమైన లొకేషన్ వివరాలు గూగుల్ మ్యాప్స్ ద్వారా అందుబాటులోకి వస్తాయి. దీనివల్ల సమయం వృథా కాకుండా కేంద్రానికి చేరుకోవచ్చు.
విద్యార్థులు తీసుకోవాల్సిన జాగ్రత్తలు:
- తప్పుల సవరణ: హాల్ టికెట్ అందుకున్న వెంటనే పేరు, ఫోటో, సంతకం, మీడియా మరియు సబ్జెక్టుల వివరాలను క్షుణ్ణంగా పరిశీలించాలి. ఏదైనా తప్పులు ఉంటే వెంటనే కళాశాల ప్రిన్సిపాల్ ద్వారా బోర్డుకు నివేదించి సరిదిద్దుకోవాలి.
- ముందుగానే సెంటర్ : పరీక్ష రోజున గందరగోళం లేకుండా ఉండటానికి, కనీసం ఒక రోజు ముందే పరీక్షా కేంద్రాన్ని సందర్శించాలని బోర్డు సూచించింది.
- సమయపాలన: పరీక్షా సమయానికి ముందే కేంద్రానికి చేరుకోవడం తప్పనిసరి. విద్యార్థులు ఒత్తిడికి లోనుకాకుండా ప్రణాళికాబద్ధంగా రివిజన్ చేసుకోవాలని నిపుణులు కోరుతున్నారు.
రాష్ట్రవ్యాప్తంగా వందలాది కేంద్రాల్లో కట్టుదిట్టమైన నిఘా మధ్య ఈ పరీక్షలు నిర్వహిస్తున్నారు.
ఆంగ్ల సారాంశం
తెలంగాణ బోర్డ్ ఆఫ్ ఇంటర్మీడియట్ ఎడ్యుకేషన్ మార్చి 2026 పరీక్షల హాల్ టిక్కెట్లను అధికారికంగా విడుదల చేసింది. దాదాపు 9.9 లక్షల మంది విద్యార్థులు తమ అడ్మిట్ కార్డులను డౌన్లోడ్ చేసుకోవచ్చు. సెంటర్ లొకేషన్ మరియు ముఖ్యమైన పరీక్ష సూచనల కోసం కొత్త QR కోడ్ ఫీచర్ని చూడండి.