భారతదేశం
ఓయి-లింగారెడ్డి గజ్జల
ఒక సినిమా కేవలం వినోద సాధనమేనా? లేక సమాజంలో మార్పులు తెచ్చే పదునైన ఆయుధమా? ఈ ప్రశ్న ఇప్పుడు మరోసారి చర్చకు దారితీసింది. గతంలో సంచలనం సృష్టించిన ‘ది కేరళ స్టోరీ’కి సీక్వెల్గా వచ్చిన ‘ ది కేరళ స్టోరీ 2‘ చిత్రం, బాక్సాఫీస్ వద్ద మిశ్రమ స్పందన పొందుతోంది, రాజకీయ వర్గాల్లో పెను సంచలనాన్ని రేపుతోంది.
కేరళలోని మారియన్ కళాశాల వేదికగా కాంగ్రెస్ అగ్రనేత రాహుల్ గాంధీ చేసిన వ్యాఖ్యలు, దానికి ప్రతిగా బీజేపీ మద్దతుదారుల నుంచి వచ్చిన కౌంటర్లు ఇప్పుడు కేవలం సినిమాగా కాకుండా రాజకీయంగా మార్చేశాయి.
దేశ ప్రజలందరికీ తెలుసు: రాహుల్
ఇడుక్కిలోని విద్యార్థులతో ముఖాముఖి సందర్భంగా రాహుల్ గాంధీ ఈ చిత్రంపై తన అభిప్రాయాన్ని చెప్పారు. ఆయన ప్రధానంగా సినిమాలను రాజకీయ ప్రయోజనాల కోసం వాడుకోవడం వల్ల కలిగే పరిణామాలపై దృష్టి పెట్టారు. “నేటి కాలంలో సినిమాలు, టీవీ షోలు, మీడియాను ఒక రకమైన ఆయుధాలుగా మారుస్తున్నారు. ఈ ఎవరూ చూడట్లేదు. నిజమైన కేరళ సంస్కృతి సంప్రదాయాలు ఏంటో దేశ ప్రజలందరికీ తెలుసు. ఇవి సమాజంలోని కొన్ని వర్గాలను లక్ష్యంగా చేసుకుని, మధ్య విభజనలు సృష్టించే ప్రమాదం ఉంది” అని ఆయన అభిప్రాయపడ్డారు. దేశంలో ఒక నిర్దిష్టమైన కథనాన్ని (కథనం) బలంగా వినిపించడానికి భారీగా నిధులను వెచ్చిస్తున్నారని, ఇది ఆరోగ్యకరమైన ప్రజాస్వామ్యానికి సవాల్ అని రాహుల్ గాంధీ పేర్కొన్నారు.
సమాజానికి అద్దం: బీజేపీ మద్దతుదారుల వాదన
రాహుల్ గాంధీ ఆరోపణలకు భిన్నంగా, ఈ చిత్రం సామాజిక వాస్తవాలకు అద్దం పడుతుందని మరికొందరు వాదిస్తున్నారు. బీజేపీ ఎంపీ మనోజ్ తివారీ సతీమణి సురభి తివారీ ఈ చిత్రానికి మద్దతుగా నిలిచారు. “ఇది కేవలం ప్రచారం కాదు, మన సమాజంలో జరుగుతున్న కొన్ని చేదు నిజాలను ప్రతిబింబించే అద్దం” అని ఆమె పేర్కొన్నారు. థియేటర్లకు వెళ్లి సినిమా చూసిన తర్వాతే అది నిజమో కాదో నిర్ణయించుకోవాలని, ఇలాంటి కథల ద్వారా భవిష్యత్తులో మన ఆడబిడ్డలకు అన్యాయం జరగకుండా అప్రమత్తంగా ఉండాలని ఆమె అభిప్రాయపడ్డారు. ఈ సినిమా ఒక సామాజిక అవసరంగా ఆమె అభివర్ణించారు.
సినిమా స్టోరీ.. విమర్శకుల స్పందన
దర్శకుడు కామఖ్య నారాయణ్ సింగ్ తెరకెక్కించిన ఈ చిత్రం, మతం మారిన ముగ్గురు మహిళలు ఎదుర్కొన్న ఇబ్బందులు..వారి చుట్టూ అల్లిన కుట్రల నేపథ్యంలో సాగుతుంది. 2023లో వచ్చిన మొదటి భాగం భారీ వసూళ్లను రాబట్టడంతో, రెండో భాగం మాత్రం మిశ్రమ సమీక్షలను ఎదుర్కొంది. ట్రైలర్ విడుదల సమయం నుంచే ఇబ్బందులు ఎదురుకావడంతో సినిమా విడుదల కూడా ఆలస్యమైంది. ఒక చిత్రం, ఒక చిత్రంపై రాజకీయ దిగ్గజాలు స్పందించడం, దాని చుట్టూ జాతీయ స్థాయి చర్చ జరగడం అనేది ప్రస్తుత కాలంలో జరుగుతున్న సంఘటన చాటిచెబుతోంది.
కేరళ స్టోరీని ఎవరూ చూడటం లేదు. ఈ దేశంలోని మెజారిటీ ప్రజలు కేరళ అంటే ఏమిటో అర్థం చేసుకున్నారని మరియు దాని సంప్రదాయాలు మరియు సంస్కృతిని అభినందిస్తున్నారని ఇది చూపిస్తుంది.
సినిమాలు, టీవీలు, మీడియాలను ఆయుధాలుగా మార్చుకున్నారు. ప్రజలను దూషించడానికి, దూరం చేయడానికి అవి ఖచ్చితంగా ఉపయోగించబడుతున్నాయి… pic.twitter.com/0qdyP3FKSE
– కాంగ్రెస్ (@INCindia) మార్చి 6, 2026
