అంతర్జాతీయ
ఓయ్-చంద్రశేఖర్ రావు
పొరుగుదేశం ఆఫ్ఘానిస్తాన్ పై పాకిస్తాన్ వైమానిక దాడులకు దిగింది. ఆ దేశ భూభాగంపై మెరుపుదాదులు చేసింది. సరిహద్దులకు ఆనుకుని ఉన్న ఉగ్రవాదుల స్థావరాలపై బాంబుల వర్షం కురిపించింది. ఈ ఘటనలు 28 మందికి పైగా దుర్మరణం పాలయ్యారు. పలువురికి తీవ్ర గాయాలు. ఈ అర్ధరాత్రి దాటిన తర్వాత దాడులు జరిగాయి. ఈ వైమానిక దాడులను అటు పాకిస్తాన్, ఇటు ఆఫ్ఘనిస్తాన్ ధృవీకరించింది. సరిహద్దుల వెంబడి ఏడుచోట్ల వైమానిక దాడులు చోటు చేసుకున్నట్లు నిర్ధారించారు.
కొద్దిరోజుల కింద పాకిస్థాన్ రాజధాని ఇస్లామాబాద్లో ఓ మసీదుపై ఆత్మాహుతి దాడి జరిగిన విషయం తెలిసిందే. దీనికి ఆఫ్ఘనిస్తాన్, భారత్ ప్రధాన కారణమంటూ ఆరోపిస్తూ వస్తోంది పాకిస్తాన్. భారత్ ఈ దాడులకు ప్రణాళికలు రచించిందని, దీన్ని ఆఫ్ఘనిస్తాన్ అమలు చేసిందనీ చెబుతోంది. దీనికి ప్రతీకారంగా ఆఫ్ఘనిస్తాన్ పై తాజాగా ఎయిర్ స్ట్రైక్స్ నిర్వహించింది పాకిస్తాన్. ఈ దాడులు పక్తికా ప్రావిన్స్తో పాటు సరిహద్దు వెంబడి ఉన్న ఖోస్ట్, పయా, నంగర్హర్ వంటి ఇతర ప్రావిన్స్లలో టీటీపీ స్థావరాలను లక్ష్యంగా చేసుకున్నట్లు తెలుస్తోంది.
తాజాగా పాకిస్థాన్ ఆఫ్ఘనిస్తాన్లోని పలు నగరాలపై వైమానిక దాడులు జరిగాయి. కాబూలో పేలుళ్ల వార్తలు వెలువడిన కొద్దిసేపటికి ఈ పార్క్ సమాచార శాఖ మంత్రి తెరమీదికి వచ్చారు. ఈ దాడులను ధృవీకరించారు. ఆఫ్ఘన్ తాలిబాన్ ప్రభుత్వ సైనిక స్థావరాలను లక్ష్యంగా చేసుకుని ఈ బాంబు దాడులు జరిగాయని స్పష్టం చేశారు.
ఈ ఘటనలపై పాకిస్థాన్ అధ్యక్షుడు ఆసిఫ్ అలీ జర్దారీ స్పందించారు. పాకిస్తాన్ శాంతికి, ప్రాంతీయ సమగ్రతకు ఎటువంటి రాజీ పడబోదని, ప్రతిదాడులు సంపూర్ణంగా ఉంటాయని అన్నారు. శాంతిని బలహీనతగా భావించే వారికి కఠిన సమాధానం లభిస్తుందని. ఈ దాడులపై ఆఫ్ఘనిస్తాన్ కూడా తీవ్రంగా స్పందించింది.
తాలిబాన్ ప్రభుత్వ అధికార ప్రతినిధి జబిహుల్లా ముజాహిద్ మాట్లాడారు. కాబూల్, కందహార్, పక్టియా ప్రాంతాలపై పాకిస్తాన్ వైమానిక దళం దాడి చేసి ఆదరణ పొందింది. ప్రభుత్వ బ్రాడ్కాస్టర్ పీటీవీ కూడా దీన్ని నిర్ధారించింది. పాకిస్తాన్ సైన్యం ఈ వైమానిక దాడులతో కాబూల్, కందహార్ తో పాటు పక్టియాలోని ఆఫ్ఘన్ తాలిబాన్ కీలక సైనిక స్థావరాలను లక్ష్యంగా చేసుకుంది. ఈ దాడుల్లో కాబూల్లో రెండు బ్రిగేడ్ హెడ్క్వార్టర్లు పూర్తిగా ధ్వంసం అయ్యాయని వివరించింది.
